یونس عەبدوللا: یاریزانێن مە شیان حەفت میدالییا ب دەستڤە بینن
هەرهین محەەد:
د داخویانیەكێ دا یونس عەبدوللا راهێنەرێ تیما تایكواندۆیا یانەیا گارە بۆ ئەڤرۆ دیار كر ل حەفتییا بوری تیما وان ل سەر ئاستێ تازەپێگەهشتییان پشكداری د قارەمانییا ئیراقێ یا بناڤێ بالیوزێ كوری كربوون و نێزیكی 60 یانە و 360 یاریزانێن كوڕ و كچ پشكداربوون و د ئەڤێ قارەمانیێ دا تیما مە ب 11 یاریزان پشكداربوون، د ئەنجام دا ئەم شیاین حەفت خەلاتان ب دەستخوەڤە بینن ژ میدالێن ڕەنگین یێن زێرو زیڤ و برونزی و ل سەر ئاستێ گشتی ژی یانەیا گارە شیان پلەیا دویێ ب دەستخوە ڤە بینن بۆ هەموو یانەیان و مە دو خەلات ب دەست خوە ڤە ئینان.
زێدەتر ژی ناڤهاتی گۆت: ئاریشەیا مە یا مەزن ئەوە چو پشتەڤانی بۆ یاریێن تاك نینە و هەكە بتنێ پشتەڤانیەك ل ئەڤان قارەمانان بهێتە كرن دێ پشكداری قارەمانیێن ژ دەرڤە بن و گەلەك كەس هەنە دبەرزەنە ژبەر نەبوونا پارەی نەشێن پشكداریێ دقارەمانیان دا بكەن یان یانە لێ نامەزێخن و هەكە ب مەزێخن ژی گەلەك یێ كێمە و بتنێ دشێت مالا خوە پێ ب رێڤە ببەت و هندەك جاران وەسا چێت بیت ئەم ژ كیستێ خوە پاران دمەزێخین و پشكداری قارەمانیان دبین بتنێ دا گێولێ یاریزانی نەشكێت و مخابن مە گەنج هەبن و خودان شیان بن و دبەرزەبن ژبەر ئەوی ئەگەری.
یونسی ئەو چەندە گۆتژی: پتریا راهێنەرێن تایكواندویێ خوبەخش كاردكەن و چو داهاتی ژلایێ ڤە حكومەتێ ناوەرگرن و ئاڤاهین مەژی ب كرێ نە و ئەم ژ بەریكا خوە كرێ دەین بتنێ داكو یاریزانێن تایكواندویێ ئاڤا بكەین و بەرب پێڤەبەین و هیڤیا من ئەوە كەسەك خوە ل ئەڤان یاریزانان بكەتە خودان و دەرگەهەك بۆ ئەوان ژی ڤەبیت.
