یونس محسن: من سالەکا ب زەحمەت دەرباز کر
عەلی حاجی:
د دیدارەکێ دا یونس محسن کوڕێ باژێرێ زاخۆ و یاریزانێ یانه‌یا شورتە ب هاڤێتنا رومی ئاشکەرا کر ئەو یێ د قۆناغا هنگاڤتنێ دا دەرباز دبیت ئه‌وا ل سالا بوری دا تووشبویێ و نەشیا پشکداریێ چو قارەمانییا بیت.
زێدەتر یونس محسن گۆت: ژبەر وێ هنگاڤتنا د دەستێ من دا، ل سالا بۆری من نەشتەرگەرییەک ئەنجامدا دووڤدا ل باژێرێ بەغدا و هەولێرا پایتەخت من ده‌ست ب خوه به‌رهه‌ڤكرنێ كر، لێ دۆباره ئێشان د دەستێ من دا پەیدا بوو و بۆ ئەگەرێ هندێ جارەکادی ژ یاریکرنێ دووربکەڤم و نەشتەرگەریێ رەوشا من نە باشتر لێکر كو من سالەکا ب زەحمەت دەرباز کر، بۆ وه‌رزێ ئه‌ڤ سالە رەوشا دەستێ من باشتر بوویە و بەردەوامم ل سەر یەکەیێن راهێنانێ و چاڤدێریا رەوشا خوە دکەم و خوە بەرهەڤ دکەم بۆ قارەمانیا ئیراقێ یا یاریێن ئۆلمپی و چاڤێ من ل هندێ یە د وێ قارەمانیێ دا جارەکادی رێزا ئێکێ بناڤێ خوە توماربکەم، من باوەرییەکا تەمام ژی ب خوە هەیە کو دێ شێم وێ چەندێ کەم، ژ ئەگەرێ هنگاڤتنێ پشکداری د قارەمانیا ئیراقێ دا کر لێ هاڤێتنا ئێکەم روم من هەست ب ئێشانێ کر نه‌چاربووم خوە ژ قارەمانیێ ڤەکێشا.
ل دووماهیێ گۆت ژی: د قۆناغا هنگاڤتنێ دا یانه‌یا شورتە و فیدراسیۆنا ئیراقێ یا یاریێن گۆره‌پانێ پشته‌ڤانییا دارایی دگەل من دا کرینە و گەلەک تشت ژی من ل سەر کیستێ خوە کرینە.
