بیرەوەرییا (١٠٠) سالییا پەیدابوونا شانۆیا سلێمانیێ ل هەولێرێ ب بلندی دێ هێتە ڕاگرتن و ژمارەیەکا نوو یا گۆڤارا «یەکەم چرا» دێ دەرکەڤت
ڕۆژا دوشەمبى ٢٧ـی ٧ـی ٢٠٢٦، ل ڕێوڕەسمەکا هونەری و کەلتووری یا تایبەت دا ل باژێڕێ هەولێرێ، بیرەوەرییا (١٠٠) سالییا پەیدابوونا هونەرێ شانۆیێ ل باژێڕێ سلێمانیێ دێ ب بلندی هێتە ڕاگرتن. هەڤدەم دگەل ڤێ بیرەوەریێ، ژمارەکا نوو یا گۆڤارا «یەکەم چرا» دێ کەڤتە بەر دەستێ خواندەڤانان.
ئەڤ ڕێوڕەسمە ژ لایێ گۆڤارا (یەکەم چرا) و ب هەڤکارى دگەل (دەزگەهێ کەلتووری یێ یاد) هاتیە ڕێکخستن. ئارمانج ژ ڤێ چالاکیێ، زندی هێلانا وێ مێژوویا دەولەمەندە ئەوا هونەرێ شانۆیێ نێزیکی سەدەیەکی ل شاری سلێمانیێ تۆمارکری و کارتێکرنەکا مەزن ل سەر بزاڤا ڕۆشنبیری ل کوردستانێ هێلای.
ئێک ژ بڕگەیێن هەرە گرنگ یێن بۆ ڤێ ڕێوڕەسمێ هاتیە تەرخانکرن بۆ پێزانین و ڕێزلێنانێ ل وان شانۆکارێن دێرین ئەوئێن پتر ژ (نیڤ سەدە)یێ تەمەنێ خۆ کریە دیاری بۆ ڤی بواری و خزمەتەکا مەزن و بەخشینەکا هونەری یا بێ ڕاوەستیان پێشکەشی شانۆیا کوردی کری.
