10 كنەچیڕۆك
Naci Badel
Latest posts by Naci Badel (see all)
- پشتی كۆمبوونەكا درێژ ل گەل زەیدی، سەرۆكێ فراكسیۆنا پارتی چارەسەرییا قەیرانا كارەبا كەركووكێ ڕاگەهاند - نوفمبر 4, 2026
- فراكسیۆنا پارتی و پێكهاتە داخوازا كاراكرنا پەرلەمانێ كوردستانێ دكەن - نوفمبر 4, 2026
- حەیدەر شەشۆ: هندەك ژ وان كەسێن ل شنگالێ بەرپرسیاری هەی نە ئێزدینە و نە ژی ئیراقینە - نوفمبر 4, 2026
ئازاد عزەت
ئازادی
بۆ زارۆکان بەحسێ ئازادییێ دکر، لێ وی ب خۆ گیانەوەرێن زیندانکری هەبوون.
دەستڕەش
ژبەر ڕێنجبەرییێ دەستێن وی ڕەشببوون، هەموویان دگۆتنێ دەستڕەش!
دلۆپ
چاڤێن وێ دلۆپ دکرن، بەلێ ڕۆندکەك کێم سویراتی بوو!
نێزیکترین هەڤال
ئەو گەنجێ یازدە سالان ب نهێنی حەز ژ کچکەکێ دکری و دگۆت نێزیکترین هەڤالێ من: بلا بیتە زانینێ ئەوێ پرۆژەیێ من یێ پێكئنانا هەڤژینیێ تێكدایی.. هەر ئەو هەڤالبوو بوو ئەگەرێ ژناڤچوونا پەیوەندیا وی.
نازداری
دخێزانەکا نازاندی دا مەزن ببوو، ئەرکێ مامۆستاتییێ وەردگریت، قوتابیێن وێ هەموو دبنە دەرنەچوو.
خوین
تو پێدڤی خوینێی؟ یا من ل من بەلایە.
ڤێرێ جهێ خوینێیە.. ئەز ژی ل کەسەکی دگەڕم ژ خوینا من ببیت، ما دل هۆسا یێ ب ساناهییە؟ جانێ بابێ خۆ پێدڤی شیری یە.
بازن
دێ بەسە زەنگە زەنگێ ژێ بینە؟
ئاخڤتنێن خەلکی هۆسا وەکو بازنێن خۆ دادقوتم.
ناڤمل
ئەو زەلامێ ناڤملێن وی ب ڕێنجبەرییێ چەمیایی بووین، ژ وێ هۆلێ پتر دیارتر بوو ژ وی زەلامێ خویندەوار.
بازارێ بێدەنگ
ژ بن دارەکا مری و ساخ ڕوونشتبوو، گۆت:
وێ هە گوندە و یێ هەژی باژێرکە.. ئەڤە ژی سویکەکا بێدەنگە.
دارێ، خەمگین نەبە، ئەو باژێر و گوندێن هەنێ ژی دێ هێن ل ڤی بازاڕێ بێدەنگ ئاکنجی بن.
دوازدە مانگ
ئەڤە دوازدە هەیڤ بۆرین هێشتا مەها تە نەهاتییە؟ ئەرێ ما تو قەرزێ خۆ نادەیەڤە؟
سەرێ سالێ د ژۆر کەڤت و گۆت ئێدی تە هەیڤ نەمان؟
دەرگەهـ ڤەکر و گۆتێ: سەحکەیێ، دوازدە مانگ یێن دژۆرڤە، تە کیژ بڤێت ببە، ب تنێ ئەگەر کچا بچویک نەبیت دێ یا باشبیت.
