11/11 روژا جیھانیا سێنگلایە، تە چ دیاری بو ھەیە؟
ئەڤرۆ نیوز، نەوزاد ھلۆری:
ل سەرانسەرێ جیھانێ ئەڤرۆ روژا ئێکشەمبی رێکەفتی 11/11 روژا جیھانیان سێنگلایە ئانکو روژا جیھانیا سەلتایە، دڤێ روژێ دا بزاڤ دھێتەکرن کو دیاریەک بو سێنگلا بھێتەدان ب تایبەتی ژلایێ خێزانداران.
رۆژا جیھانیا سێنگلا ئێکەمجار دزڤریت بۆ چینیان و تا نوکە دیروکا وێ دیار نینە کا بو کیژان سالێ دزڤریت، بڤێ ھەلکەفتێ ژی ل چینێ و چەند وەلاتەکێن دی دبیتە بێھنڤەدانا فەرمی، ئەگەرا سەرەکی یا ھەلبژارتنا رۆژا 11/11 ژی دزڤریت بو وێ یەکێ کو ھژمار تاکە و سێنگل ژی ھژمارەکا تاکە و ھەردەم ب تنێ یە ئانکو کەسا بەرامبەر کو رەگەزێ مێ یە یان نێرە نینە.
درۆژا سێنگلان دا بزاڤ دھێتەکرن کو خودان بازار و خودان دەزگر و خێزاندار دیاریەکێ بو سێنگلان بکرن ب تایبەتی ب رێیا ئون لاین ، بڤێ یەکێ بازارێن ئون لاین زێدەتر دبیتە قەرەبالغ و دڤێ روژێ دا خەلک زێدەتر تشتان دکرن ب تایبەتی وان تشتان یێن کو وان بینیتە بەرچاڤ مینا جوانکاری ، ھندەک ژ خودان بازاران ژی داشکاندنێن زۆر بو سێنگلا دکەن.
