12 ملیۆن ده‌نگده‌رێ عیراقی بایومه‌تریا خو نو نه‌كریه
ئه‌ڤرۆ ینوز:
شاره‌زایه‌كێ هه‌لبژارتنان دیاركر ئالوزیه‌كا نوو ل هه‌مبه‌ر رێژه‌یا پشكداریكرنێ د هه‌لبژارتنێن پێشوه‌خت دا هه‌یه تانوكه 12 ملیۆن ده‌نگده‌ران زانیاریێن بایومه‌تریێ نوو نه‌كرینه.
سه‌عید كاكه‌یی شاره‌زا دبیاڤێ هه‌لبژارتن و ئه‌ندامێ به‌رێ یێ جڤاتا كومسیارێن كۆمسیونا بلندا سه‌ربه‌خویا هه‌لبژارتنان ل عیراقێ راگه‌هاند: زێده‌تری 12 ملیۆن ده‌نگده‌ران زانیاریێن بایومه‌تریێ نوو نه‌كرینه و ژ وێ ژماره‌یێ 10 ملیۆن ئه‌ڤێن داتایێن به‌ری نوكه نووكرین و دو ملیۆن ئه‌و گه‌نجن یێن گه‌هشتینه ژیێ 18 سالیی و مافێ ده‌نگدانێ هه‌یی، ژ ته‌ڤایا 10 ملیۆن ده‌نگده‌ران شه‌ش ملیۆنان كارتێن ده‌نگدانێ وه‌رگرتینه و چار ملیۆنان هێشتا كارت ژ ناڤه‌ندێن كومسیونێ نه وه‌رگرتینه، پرانیا وان ئه‌ون یێن گیانێ خوه ژ ده‌ست داین.
ناڤبری ئه‌و چه‌نده ژی دازانین كارتا كه‌ڤنا ده‌نگدانێ پشتی وه‌رگرتنا كارتا نوویا بایومه‌تریێ، دێ هێنه ژناڤبرن، هه‌ر وه‌ك سالا 2018 لژنه‌یه‌ك بۆ ژناڤبرنا ئه‌و كارتێن ده‌نگدانێ یێن ڤه‌دگه‌رن هاته پێك ئینان و 6 ملیۆن كارت ژ ناڤبرن.
