17 حاله‌تێن ئایدزێ ل هه‌رێما كوردستانێ هه‌نه
ئه‌ڤرۆ نیۆز:
وه‌زیرێ ساخله‌میا حوكمه‌تا هه‌رێما كوردستانێ رێكه‌وت حه‌مه ره‌شید ئاشكراكر، 17 حاله‌تێن تووشى ئێشا ئایدزێ ل هه‌رێما كوردستانێ هه‌نه، هه‌ڤده‌م داخواز ژ وه‌لاتیان كر، رێنمایێن هوشیاریێ و پێگیریا ب پشكنینان بۆ نه‌هێلانا ئایدزێ ل كوردستانێ بكه‌ن.
وه‌زیرێ ساخله‌میا هه‌رێمێ د رێوره‌سمێن رۆژنا جیهانیا یا ئایدزێ دا گۆت: وه‌زاره‌تا وى به‌رنامه‌كێ به‌رهنگاریا ئێشا ئایدزى هه‌یه و رێژا ئایدزێ ل هه‌رێمێ به‌ر ب كێمبوونێ ڤه دچیت.
هه‌روه‌سا گۆت: نها بتنێ 17 حاله‌تێن تۆماركى كو خه‌لكێ كوردستانێ تووشى ئێشا ئایدزێ بووینه و ل سالا 2014 بتنێ 2 حاله‌ت هاتینه تۆماركرن، سه‌ره‌راى هه‌بوونا 12 حاله‌تێن دى كو هاتینه ڤه‌گه‌راندن بۆ وه‌لاتێن وان.هه‌ڤده‌م وه‌زیرێ ساخله‌میێ ئه‌و چه‌ند ژى نه‌ڤه‌شارت كو هه‌رێما كوردستانێ دبیت پتر تووشى ئێشا ئایدزى ب بیت، چونكى هژماره‌كا زۆرا كاركه‌ر و كۆمپانیێن بیانى ل هه‌رێمێ كار دكه‌ن، زێده‌بارى كه‌رتێ گه‌شت و گۆزارى ل كوردستانێ به‌رفره‌ه بوویه، هه‌روه‌سا زێده‌بوونا هژمارا په‌نابه‌ران ل هه‌رێمێ.
رێكه‌وت حه‌مه ره‌شید دیاركر، ل سالا 2007 و هه‌تا 2012 مه كارێ پشكنینا 100 حاله‌تێن ئایدزى كربوو، ل سالا 2013 و هه‌تا 2014 پێرابوونێن توندتر مه گرتینه به‌ر و پشكنین بۆ 200 هه‌تا 300 كه‌سان هاتینه ئه‌نجامدان ب تایبه‌تى بۆ وان كه‌سان یێن گۆمانا هه‌لگرێ ڤایرۆسێ ئایدزێ بیت.
