2 سه‌ركردێن داعشێ ل مووسل هاتنه كوشتن
ئه‌ڤرۆ نیۆز:
د ڤان رۆژێن دووماهێى دا كوشتنا چه‌كدارێن داعشێ ل مووسل زێده‌بوویه و ره‌وشا ناڤه‌ندا باژێرێ وه‌ك شله‌ژانه‌كێ بخوه‌ڤه دیتى یه.
به‌رپرسێ لقا پارتێ دیموكراتى كوردستان عسمه‌ت ره‌جب بۆ مالپه‌رێ رۆژنامه‌ڤانێن مووسل راگه‌هاند، دو سه‌ركردێن چه‌كدارێن داعشێ ل شه‌ڤا بۆرى هاتینه كوشتن، زێده‌بارى وێ دیاركر، هه‌ردو كوشتى ئێك ژوان به‌رپرسێ دیوانا فێركرنا ئاینى یه ب ناڤێ (ئه‌بو دوعا ئه‌لیه‌منى) و یێ دوێ به‌رپرسێ دادگه‌ها ویلایه‌تا نه‌ینه‌وا یه ب ناڤێ (ئوسامه عه‌بدلوه‌هاب ئه‌لتائى)یه.
ژ ئالیه‌كێ دیڤه ژێده‌رێن ناڤه‌ندا مووسل دبێژن، هنده‌ك چه‌كدارێن نه‌نیاس رۆژا چارشه‌مبى هێره‌ك كره سه‌ر ترۆمبێله‌كا داعشێ ل ده‌ڤه‌را گورستانا كریستیانان كو دوێ هێرشێ دا 4 چه‌كدارێن داعشێ هاتنه كوشتن.