20 حالەتێن ب شەڕچوونێ د رۆژێن جەژنێ دا سەرەدانا نەخۆشخانان كرینە
ئەڤرۆ
حەمزە رەزیكی، پەیڤدارێ ساخلەمیا دهۆكێ د كۆنفرانسەكێ رۆژنامەڤانی دا دیار كر، د رۆژێن جەژنا رەمەزانێ دا پێنج هزار و 127 كەسان سەرەدانا دەزگەهێن ساخلەمیێ كرینە و 627 كەس ژ وان ل نەخۆشخانەیان هاتینە نڤاندن و 54 نشتەرگەری هاتینە ئەنجامدان و 146 زارۆك ژی ژ دایكبووینە.
حەمزە رەزیكی گۆت: «د رۆژێن جەژنا رەمەزانێ دا 17 روودانێن ترۆمبێلان رووداینە، دیسا 22 نەخۆشان سەرەدانا نەخۆشخانا سۆتنێ كرینە و 20 حالەتێن ب شەڕچوونێ هاتینە تۆماركرن و 53 پەیوەندی ژی ب تیمێن ڤێراگەهشتنێن دەستپێكێ هاتینە كرن و یا پێدڤی بۆ هاتیە كرن».
ناڤهاتی د وی كۆنفرانسەكێ رۆژنامەڤانی دا خویا ژی كر، شەش كەسان ژ ئەگەرێ نەخۆشیان گیانێ خوە ژ دەست دایە و چار كەسان ژی ژ ئەگەرێ روودانان و جەنازێن وان بۆ نۆشداریا داد هاتنە هنارتن.
دەربارەی تیمێن چاڤدێریا ساخلەمیێ ژی رەزیكی گۆت: «تیمێن چاڤدێریا ساخلەمیێ د رۆژێن جەژنێ دا سەرەدانا 48 جهان كرینە و 12 جهـ هاتینە سزادان و چار جهـ ژی، كو پێكهاتیبوون ژ خوارنگەهەكێ و دو گۆشتفرۆش و كافێتریەكێ هاتینە گرتن».
