40% ژ خه‌لكێ جیهانێ ب ته‌كنولوژیایێ ئالوده بوینه
هه‌ولێر، سولین سلێمان:
به‌ری نوكه مه گه‌له‌ك ئالوده‌بون گوهلێبوینه وه‌كی ئالوده‌بون ب ڤه‌خارتێن كحولی و جگارا و مادێن هوشبه‌ر، لێ نها جوره‌كێ دی یێ ئالوده‌بونێ په‌یدا بویه، ئه‌و ژی ئالوده‌بون ب ته‌كنه‌لوژیایێ د نها دا جهێ هه‌موو ئالوده‌بونێن دی گرتینه.
ڤه‌كوله‌رێ جڤاكی، حسێن یوسف دیار كر كو نوكه ئالوده‌بون ب ته‌كنه‌لوژیایێ رۆژ بو رۆژێ زێده‌تر لێ دهێت و خه‌لكه‌كێ زۆر ژی تووشی ڤێ ئاریشێ بوینه و لدووڤ وان ڤه‌كولینێن هاتینه ئه‌نجام دان شاره‌زا به‌رده‌وام هوشداریێ دده‌ن كو پێدڤیه خه‌لك ب ره‌نگه‌كێ گونجایی ته‌كنولوژیایێ بكاربینیت و گۆت: (هه‌روه‌سا لدووڤ ڤه‌كولینه‌كێ كو ل وه‌لاتێ ئه‌مریكا هاتیه ئه‌نجام دان تێدا به‌حس هاتیه كرن كو 40% خه‌لك ل سه‌ر رویێ عه‌ردی ئالوده‌یه بكارئینانا ته‌كنولوژیایێ بوینه).
حسێن یوسف به‌حس ل نیشانێن ئالوده‌بونا ته‌كنولوجیایێ كر دا زانین كو د هه‌موو وه‌لات و جڤاكه‌كی دا ته‌كنه‌لوژیا یا هه‌ی و د ئه‌نجامێ وان ڤه‌كولینان دا ده‌ركه‌فتیه كو هه‌موو ئه‌وێن موبایلێن زیره‌ك بكاردئینن روژانه ب كێمی ١٠٠ جارا پتر سه‌حدكه‌نه موبایلێن خوه ده‌مێ خوه ب ته‌كنه‌لوژیایێ تورێن جڤاكی دبه‌نه سه‌ر و گۆت: (هه‌ر ده‌مێ كه‌سه‌ك پرسیارێ ل ئێك ژ بكارهێنه‌رێن ته‌كنولوژیایێ بكه‌ت یان بێژیتێ كاره‌كی بكه نه‌شێت به‌رسڤێ بده‌ت و نه‌ڤێت وی كاری بكه‌ت و ده‌ستا ژ ته‌كنولوجیایێ به‌رده‌ت و ب كاره‌كێ گران دبینیت و ئه‌ڤ چه‌نده ژی نیشانه‌كه كو چ جارا نه‌شێت بهێلیت و ژێ دوور كه‌ڤیت).
ڤه‌كۆله‌رێ جڤاكی گۆتژی: (نابیت ئه‌م ژبیر ژی بكه‌ین كو ته‌كنولوژیایێ ژیانا مه د نۆكه‌دا ئاسانتر لێكریه، لێ دیسا ژی نابیت زێده‌تر ژ یا پێدڤی بكاربینن كو زیان هه‌بیت ژ بو مێشك و چاڤێن مروڤی، چونكی دڤێت ژ بو كارێن پێدڤی بهێته بكارئینان نه‌ك زیانێ ب مه گه‌هینیت).
ڤه‌كوله‌رێ جڤاكی، د ئاخفتنا خوه یا دووماهیێ دا دیار كر كو هه‌كه هه‌ر كه‌سه‌ك ل خوه بپرسیت ئه‌رێ ئه‌ز دێ شێم بو ماوێ ٢٤ ده‌مژمێرا بێ ئه‌نترنێت و ته‌كنه‌لوژیا كارێن خوه ب رێڤه به‌م و ته‌كنولوژیایێ بكار نه‌ئینیت و خوه ڕاگریت هه‌كه چ ئاریشه نه‌بوون ژ ئه‌نجام دانا ڤی كاری ئه‌و كه‌س ئالوده نه‌بویه ژ بكارئینانا ته‌كنولوژیایێ و گۆت: (چونكی گه‌له‌ك فه‌ره ئه‌م ده‌مێن خوه یێن فری ل گه‌ل هه‌ڤالێن خوه و خێزانێن خوه ببورینین و ل گه‌ل ئێكدو ب ئاخڤین، داكو په‌یوه‌ندیێن جڤاكی بهێزتر لێ بهێن وئه‌ڤه بو مه باشتره ژ هندێ كو هه‌موو ده‌مێ خوه ب ته‌كنولوژیایێ ڤه ببورینین تووشی ئاریشێن ساخله‌می یێن چاڤا و مێشكی و له‌شی و ده‌روونی ببیت).
