738 هزار كەسان ل پارێزگەها دهۆكێ مافێ دەنگدانێ یێ هەی
رێڤەبەرێ ئوفیسا دهۆكێ یێ كۆمسیۆنا بلندا سەربخوە یا هەلبژارتنان ڕاگەهاند، تۆمارا دەنگدەران و ئامیرەیێن پێدڤی بۆ رۆژا دەنگدانێ گەهشتینە پارێزگەها دهۆكێ و دبێژیت: ل سنوورێ پارێزگەها دهۆكێ 738 هزار كەسان مافێ دەنگدانی بۆ هەلبژارتنێن پەرلەمانێ كوردستانێ یێ هەی و 264 بنگەهێن دەنگدانێ ژی دێ هێنە ڤەكرن.
خالد عەباس، رێڤەبەرێ ئوفیسا دهۆكێ یێ كۆمسیۆنا بلندا سەربخوە یا هەلبژارتنان بۆ رۆژناما ئەڤرۆ ئاشكرا كر، ل پارێزگەها دهۆكێ 264 بنگەهێن دەنگدانێ بۆ رۆژا 20/10/2024ێ دێ هێنە ڤەكرن، نوكە ل دهۆكێ كار ل سەر بەلاڤكرنا كارمەندێن دەنگدانێ ل سەر هەمی بنگەهێن دەنگدانێ دهێتە كرن و گۆت: «33 بنگەهێن دەنگدانا تایبەت ل دهۆكێ دێ هێنە ڤەكرن و ل دووڤ تۆمارا دەنگدانێ 738 هزار كەسان ل پارێزگەها دهۆكێ مافێ دەنگدانێ هەیە، دیسا هەمی كەرەستێن لوجستی بۆ هەلبژارتنان گەهشتنە دهۆكێ».
ناڤهاتی گۆتژی: «هەمی پێدڤیێن ڤەكرنا بنگەهێن دەنگدانێ گەهشتینە ئوفیسا دهۆكێ یا كۆمسیۆنا بلندا سەربخوە یا هەلبژارتنان، نوكە بۆ بەلاڤكرنا كارمەندان كار یێ دێ هێتە كرن، كارمەند ل سەر بنگەهێن دەنگدانێ دێ هێنە بەلاڤكرن».
