8 نڤێسینگه‌هێن ئێكه‌تیا ئافره‌تان دێ ل كه‌مپان هێنه ڤه‌كرن
ئه‌ڤرو نیوز: هه‌یفا دوسكى:
دكتوره ڤیان سلێمان سكێرتێرا گشتى یا ئێكه‌تیا ئافره‌تێن كوردستانێ ب تایبه‌ت بو ئه‌ڤرو نیوز گۆت: ژبه‌ر پێدڤیا وان ژنێن ل ده‌ڤه‌را شنگالێ دگه‌ل خێزانێن خو ئاواره‌بوین و دیسا كه‌مپه بو هاتینه درۆستكرن، له‌را ژى ئێكه‌تیا ئافره‌تان ب مه‌رم دیتیه دناڤ ڤان سه‌نته‌ران دا به‌شه‌كێ درۆنى بو وان درۆست بكه‌ن ژبو ئه‌و ژنێن ژ ده‌ستێ داعشێ قورتال دبن و جاره‌ك دى دگه‌هن ناڤ خێزانێن خو ژبه‌ر هندێ ژى پشتى ئه‌ڤ ژنه دهێن ئه‌و ژلایێ ده‌روونى ڤه بێزار بوینه و ئه‌و پێدڤى نۆژدار و تایبه‌مه‌ندێن ده‌روونى نه، ل ڤێره ژى ئه‌و ژنه دێ دبن چاڤدێریا وان ڤه وه‌كو چاره‌سه‌رى.
پاشى ڤیان خانێ گۆت ژى كو ئه‌و دێ ب رێكا ڤان كه‌مپان پتر نێزیكى ئافره‌تان بن و دێ ژلایێ ئابورى و جڤاكى و ده‌روونى خزمه‌تێ بو ڤان خێزانان كه‌ن ل دووڤ شیانێن وان.
