82% ژ ده‌رچوویێن 12 ئاماده‌یی ل زانكۆ و په‌یمانگه‌هان هاتنه وه‌رگرتن
ئه‌ڤرۆ:
وه‌زاره‌تا خواندنا بلند و ڤه‌كۆلیێن زانستی د كۆنفرانسه‌كێ رۆژنامنه‌ڤانی دا ناڤ و هه‌ژمارێن قوتابیێن هاتینه وه‌رگرتن راگه‌هاندن، ئه‌ڤ رساله 52 هزار و 532 قوتابیان فورمێن وه‌رگرتنا زانكۆیێ پڕكربوون كو 45 هزار و 113 ده‌رچوویێن سالا 2021 بوون و چار هزار و 142 قوتابی ژی ده‌رچوویێن سالا 2020 بوون، هه‌روه‌سا سێ هزار و 277 قوتابی ژی یێن سالێن بۆری بوون.
ژ سه‌رجه‌مێ ڤان هه‌موو قوتابیێن كو فۆرم پێشكێشكرین، 43 هزار و 277 قوتابی ل زانكۆ و په‌یمانگه‌هێن هه‌رێما كوردستانێ هاتنه وه‌رگرتن.
62% ژ قوتابیان ل خواندنا بێ به‌رامبه‌ر ل زانكۆ و په‌یمانگه‌هێن حكومی هاتینه وه‌رگرتن، 21% ل خواندنا پارالێل هاتینه وه‌رگرتن و 17% ژی ل خواندنا ئێڤاریان هاتینه وه‌رگرتن.
وه‌زاره‌تێ دووپات كر، ئه‌و قوتابیێن نه‌هاتینه وه‌رگرتن، گه‌له‌ك ژ وان ب شاشیڤه فۆرم پڕكربوون، له‌ورا ئه‌و وان ئاگه‌هدار دكه‌ن كو پتر ژ چار هزار كورسیێن خواندنێ ماینه ڤالا و ئه‌و دشێن د ده‌مێ حه‌فتیه‌كێ دا سكالایێ تۆمار بكه‌ن، داكو مافێ وان به‌رزه نه‌بیت و بهێنه وه‌رگرتن.
