حوكمه‌تا هه‌رێمێ ڤان برياران ل دۆر مووچه‌ى ده‌ردكه‌ت
ئه‌ڤرۆنيوز:
ژبه‌ر كێمبوونا داهاتێ حوكمه‌تا هه‌رێما كوردستانێ، دێ ده‌ستكارى دمووچێ وان مووچه‌خۆران دا هێته كرن، كو به‌رى نوكه سيسته‌مێ پاشكه‌فتكرنا مووچه‌ى ژێ نه‌دگرت ودێ پێداچوون دمووچێن خانه‌نشينێن نه‌قانوونى دا هێته كرن. ئه‌ڤه دێ به‌شه‌ك ژ به‌رنامێ كارێ حوكمه‌تێ بيت ل سالا 2018 ێ.
ژێده‌ره‌كى ژ جڤاتا وه‌زيران ل هه‌رێما كوردستانێ راگه‌هاند” داهاتێ هه‌يڤانه يێ حوكمه‌تا هه‌رێما كوردستانێ ژ 670 مليار ديناران بۆ 400 مليار ديناران كێمبووى، له‌وما حوكمه‌تا هه‌رێما كوردستانێ پلانه‌كا نوو بۆ به‌لاڤكرنا مووچه‌ى ل سالا نوو دانايه، ل دووڤوێ پلانا نوو دێ ده‌ستكارى دمووچێ به‌شه‌ك ژ وان مووچه‌خۆران دا هيته كر كو به‌رى نوكه سيسته‌مێ پاشكه‌فتكرنا مووچه‌ى ژێ نه‌دگرت.
وى ژێده‌رى زێده‌تر بۆ رووداو گۆت” مووچێ پێشمه‌رگه‌ى ناهێته كێمكرن، به‌لێ مووچێ پله‌دارێن پێشمه‌رگه‌ى دێ ب رێا 33% هێته كێمكرن ومووچێن هيزێن دى يێن ئه‌منى دێ ب رێژه‌كێ هێته كێمكرن”.
دياركر ژى” پێداچوون دمووچێن خانه‌نشينين نه‌قانوونى دێ كاره‌كێ دى ژكارێن جڤاتا وه‌زيران بيت ول ده‌مێن داهاتى دا دێ حوكمه‌تا هه‌رێما كوردستانێ رۆهنكرنێن پێدڤى ل دۆر وێ چه‌ندێ به‌لاڤكه‌ت، ئه‌و گوهۆرينه ژى دێ ب نه‌چارى هێنه ئه‌نجامدان، چونكى هنارتنا په‌ترۆلا هه‌رێما كوردستانێ بۆ 250 هزار به‌رميلان يا كيمكرى، دده‌مه‌كى دا به‌رى نوكه هه‌يڤانه نێزيكى 600 هزار به‌رميل دهاتنه هنارتن”.
