توركیا به‌رانبه‌ر لادانا ده‌وله‌تاكوردان دێ شه‌رێ داعشێ كه‌ت
ئه‌ڤرۆ نیۆز:
رێكخراوار داد و گه‌شه‌پێدان د به‌یاننامه‌كێ دا به‌لاڤكریه، سه‌رۆكێ توركى ره‌جه‌ب ته‌یب ئاردۆگان ل گه‌ل هێزێن هه‌ڤپه‌یمان و ئه‌مریكا رێككه‌فتن كو توركیا پشكداریێ دهێرشێن ئه‌سمانى و به‌لاڤكرنا هێزێن په‌یاده ل شه‌رێ دژى داعشێ دا بكه‌ت، به‌رانبه‌رى هندێ دڤێت ئه‌مریكا و نه‌ته‌وه‌یێن ئێكگرتى دان پێدانێ ب ده‌وله‌تا كوردى یا سه‌ربخوه ل عیراقێ و سووریا نه‌كه‌ت.
په‌یڤدارێ راگه‌هاندنا رێكخراوا ناڤبرى زێدان ئه‌لقنائى گۆت: ئه‌ردۆگانى ره‌خنه‌یێن دژوار ئاراسته‌ى نه‌ته‌وه‌یێنئێكگریتا ئه‌مریكى كرن كو بكارێ پڕچه‌ككرنا پارتا كرێكارێن كوردستانێ ئه‌نجامدایه، و مه‌رج دانان كو وه‌لاتێن رۆژئاڤا دانپێدانێ ب ده‌وله‌تا كوردى نه‌كه‌ن، به‌رانبه‌رى پشكداریا توركیا د شه‌رێ دژى داعشێ دا، ئه‌و رێككه‌فتنه پشتى سه‌ره‌دانا جێگرێ سه‌رۆكێ ئه‌مریكى جو بایده‌ن و وه‌زیرێ ده‌رڤه‌یێ ئه‌مریكى جون كێرى بۆ ئه‌نقه‌ر هاتن.
رێكخراوا ناڤبرى هه‌روه‌سا رونكرن، رێككه‌فتنا توركى و ئه‌مریكى ل سه‌ر بكارئینانا كوردان د شه‌رێ په‌یاده‌یێ دژى داعشێ دا هاتیه كرن، كو توركیا هه‌مبه‌رى وێ ژى بنگه‌هێن له‌شكرى یێن توركى به‌رامبه‌رى هێزێن هه‌ڤپه‌یمانان ڤه‌كه‌ت بۆ هێرشكرنا سه‌ر داعشێ ل عیراقێ و سوریێ.