ئیسرائیل دێ خۆ ژ یونسكۆ ڤەکێشیت
ئەڤرۆ نیۆز،زنار تۆڤی:
سه‌رۆك وه‌زیرێ ئیسرائیلێ فه‌رماندایە وه‌زاره‌تا ده‌رڤە،کو خۆ ژ رێكخراوا نه‌ته‌وێن ئێكگرتی بۆ په‌روه‌رده و كلتوور و زانستی (یونسكۆ) ڤەکێشیت.
ل دووڤ به‌یاننامه‌کا سه‌رۆكاتیا وه‌زیرێن ئیسرائیل، بنیامین نەته‌نیاهۆ، ئه‌ڤرۆ ئێکشەمبیێ 24/ 12/ 2017 فه‌رمان دایە وه‌زاره‌تا ده‌رڤه،کو ل دوماهیا ڤێ حە‌فتیێدا خۆ ژ رێكخراوا یوونسكۆ ڤەکێشیت.
هەروەسا روونكریە کو دڤێت ئه‌ڤ پێنگاڤه ل سه‌ر رۆشنایا مامه‌لەیا لایه‌نگرێن ڤێ رێكخراوا تاكلایه‌ن یا ل دژی ئیسرائیلێ بگرێته‌به‌ر، هه‌روه‌سا ل سه‌ر وی هه‌لوێستێ ئه‌مریكا ل نه‌ته‌وێن ئێکگرتی،کوو ته‌ل ئه‌بیب پێشوازی و پشتگیریێ لێ دکەت.
د وێ به‌یاننامێدا ئاشكرا بوویە،کو حوکمه‌تا ئیسرائیلێ، بڕیار دایه کو پێڤەرێن خۆ به‌رامبه‌ر به‌خشینان بۆ رێكخراوێن فلستینێ توند بكەت و دبێژیت:ئەڤە ئێکەم پێنگاڤ نینە و دوماهی پێنگاڤ ژی نابیت.
