ترامب: وه‌لاتيێن ئيرانێ ژ گه‌نده‌ليا حوكمه‌تێ بێزاربوون
ئه‌ڤرۆنيوز:
پشتى ل سه‌رانسه‌رى ئيرانێ ژبه‌ر ره‌وشا ئابوورى يا نه جهگير وگرانيێ، خوه‌نيشادانێن نه‌رازيبوونێ هاتينه كرن، دونالد ترامب سه‌رۆكێ ئه‌مريكا داخواز ژ حوكمه‌تا ئيرانێ كر رێزێ ل مفێن خه‌لكى وب تايبه‌تى ل ئازاديا راده‌ربرينێ بگريت.
ترامبى ل سه‌ر تويته‌رێ خوه نڤيسى يه” گه‌له‌ك راپۆرت ل سه‌ر خوه‌نيشادانێن ئاشتيانه يێن وه‌لاتيێن ئيرانێ كو ژ به‌ر گه‌نده‌ليێ وب هه‌ده‌ردانا سه‌روه‌ت وسامانێ وه‌لاتى بۆ پشته‌ڤانيێ ل تيرۆرێ ل ده‌رڤه‌ى وه‌لاتى، خه‌لك يێن بێزاربووين”.
سه‌رۆكێ ئه‌مريكى دياركر” پێدڤى بوو حوكمه‌تا ئيرانى رێز ل مافێ خه‌لكى بۆ ده‌ربريناحه‌زێن خوه گرتبا، چونكى جيهان يا ڤان روودانان دبينيت وتۆمار دكه‌ت”.
پشكه‌كا به‌رچاڤ يا وه‌لاتيێن ئيرانێ ل سێ رۆژێن بۆرى ل باژێرێن مه‌شهه‌د، نه‌يشابوور، شاهروود، كاشمه‌ر، كرماشان، ته‌هران، ئه‌هواز، قووچان وقوم دژى ره‌وشا خراب يا ئابوورى وبێكاريێ ونه‌بوونا خزمه‌تگوزاريان رژيانه سه‌ر جادان ودرووشمێن دژى حه‌سه‌ن روحانى وخامه‌نه‌ئى دگۆتن ول باژێرێ كرماشانێ روو ب رووبوون دناڤبه‌را خوه‌نيشانده‌ران وهێزێن ئه‌منى دا په‌يدابوون چه‌ندين بنگه‌هێن حكومى وله‌شكرى هاتن سۆتن.
