سالا بۆرى پێنج وه‌لاتى ژ لايێ هه‌ڤژينێن وان ڤه هاتينه كوشتن
ئه‌ڤرۆ نيوز:
ئێکەتیا زەلامێن کوردستانێ ئامارا توندوتیژیێ ھەمبەر زەلامان د سالا بۆری دا ئاشکرا کر و ل گورەی ئامارێ ژی د سالا بۆری دا پێنج زەلام ژ لایێ ھەڤژینێن وان ڤە ھاتینە کوشتن، ل گورەی ئامارا ئێکەتیا زەلامان کو وێنەک گەھشتیە رۆژناما ئەڤرۆ تێدا ھاتیە، ل سالا بۆری 11 زەلامان خوە ل پارێزگەھا دھۆکێ کوشتیە.
ئەژی ئیبراھیم، سەرۆکێ ئێکەتیا زەلامێن کوردستانێ لقێ ھەولێرێ بۆ رۆژناما ئەڤرۆ دیار کر کو د سالا بۆری دا 2017ێ ل سەرانسەری ھەرێما کوردستانێ، 614 حالەتێن پێشێلکاریان ژ لایێ ھەڤژینێن وان ڤە ھەمبەر زەلامان ھاتینە تۆمارکرن و گۆت: “د ھەمان سال دا 74 زەلامان ب رێکێن جودا خوە کوشتیە و پێنج زەلام ژی ژ لایێ ھەڤژینێن وان ڤە ھاتینە کوشتن کو ھندەک ژ وان ب پیلان بووینە و ئەو پیلان ب ھاریکاریا ھندەک کەسێن دی ھاتینە بجھئینان”.
ناڤھاتی ئاماژە دا وێ چەندێ کو ل گورەی ئامارێن ل بەردەستێن وان پێشێلکاریێن ھەمبەر زەلاما ژ لایێ ھەڤژینێن وان ڤە زێدەبووینە و بشێوەیەکی ل سالا 2016ێ ب تنێ 583ێ حالەتێن تۆمارکرنا سکالا و توندوتیژیان ھەمبەر زەلامان ھاتبوونە تۆمارکرن ئەڤە ژی وێ راستیێ خویا دکەت رێژا توندوتیژیان ھەمبەر زەلاما سال بۆ سالێ د زێدەبوونێ دایە، چونکی رێکخراوا زەلامێن کوردستانێ ل سالا 2007ێ ھاتیە دامەزراندن و ل سەر دەمێ دامەزراندنا رێکخراوا زەلامان ھەتا نوکە ھەموو سالەکێ رێژا توندوتیژیێ زێدە دبیت.
