ل هەیڤا بهێت عه‌بدوللا گول دێ ب فه‌رمی خوە بۆ پۆستێ سه‌رۆك کۆماریا توركیا كاندید کەت
ئەڤرۆ نیۆز ، زنار تۆڤی:
هەیڤا بهێت عه‌بدوللا گول سه‌رۆك كۆمارێ پێشوو یێ توركیا،دێ بزاڤەکا سیاسی ل دژی ره‌جه‌ب ته‌یب ئه‌ردۆگانی ده‌ستپێکەت و دێ خۆ وەكو كاندیدێ سەرۆكاتیێ راگەهینیت، ئه‌ردۆگانی ژی هەر نوکە هێرشێن توند دکەته سه‌ر وی.
به‌توهان یه‌شار د گۆتارەکێدا کو ل رۆژناما (توركیا) بەلاڤكریە،کو ئه‌و رۆژنامه نێزیکی ئاكپارتیێ یە، ئاشكرا دکەت،کو عەبدولا گول چو پارتێن نوو دانامه‌زرینیت، به‌لكو دڤێت رایا گشتی بۆ لایێ خۆ رابكێشیت و دژایه‌تیا ئه‌ردۆگانی بكەت.
ئه‌و نڤیسه‌ره دبێژیت،ل هەیڤا شواتا بهێت، گول ب فه‌رمی دێ ده‌ست ب جموجۆلا سیاسی کەت،ل دەستپێکێ دێ ل گه‌ل كه‌سایه‌تی ی هررمه‌ند و ئه‌كادیمیان روونیت و دێ ووانوستاندنان ل گەلدا کەت.
هه‌روه‌سا ب چو شێوه‌یان ئەو ناچیته ناڤ پارتیا باش و سه‌عاده‌ت،ب تنێ پارتەکا نوو ژی دروست ناكەت، چونكی خۆ مەزنتر ل دروستكرنا پارتان دبینیتت.
عەبدوللا گولی دڤێت خۆ بۆ پۆستێ سه‌رۆكاتیا كۆماری كاندید بكەت و خۆ ب چو پارتیان ڤە گرێنادەت و ب تنێ دێ چیته ناڤ وێ پێشبرکێدا.
دوهی ئه‌ردۆگانی د گۆتارەکێدا ئه‌نقه‌ر دەرباره‌ی گولی گوتبوو ئه‌وێن د شه‌مه‌نده‌فرێدا كه‌فتین،بلا ل مە ببوورن و هه‌ر ل وی جهێ لێکەفتین، دێ مینن.
