عه‌بادى رێككه‌فتنا هه‌رێمێ به‌راهیا نه‌هێلانا قه‌یرانایه
ئه‌ڤرۆ نیۆز:
سه‌رۆك وه‌زیرێن عیراقێ حه‌یده‌ر عه‌بادى راگه‌هاند، رێككه‌فتنا دوماهیێ ل گه‌ل هه‌رێما كوردستانێ ده‌سپێكا ب دووماهى هاتنا قه‌یران و ناكوكى و كێشێن هه‌لاویستى دناڤبه‌را به‌غدا و هه‌ولێرێ دایه.
حه‌یده‌ر عه‌بادى د په‌یڤه‌كێ دا به‌ارنبه‌رى جڤاتا وه‌زیران گۆت: رێككه‌فتنا دوامهیێ بۆ دیتنا چاره‌كى ل گه‌ل هه‌رێما كوردستانێ ده‌ستپێكا نه‌هێلانا قه‌یرانایه دنا ڤبه‌را هه‌ردو ئالیان دا، هه‌ڤده‌م دیاركر نابیت ب چو شێوه‌كێ هێرشكرنا ل سه‌ر وێ رێككىفتنێ بهێته كرن.
رێككه‌فتنا هه‌رێما كوردستانێ و حكومه‌تا فیدرال ل سه‌ر هه‌موو كێشێن هه‌لاویستى بتایبه‌تى كێشا په‌ترۆلێ دده‌مێ سه‌ره‌دانا وه‌زیرێ په‌رتۆلا عیراقێ دا عادل عه‌بدولمه‌هدى بۆ هه‌ولێرێ به‌رى چه‌ند رۆژان.
هه‌روه‌سا د به‌یانناما نڤیسینگه‌ها حه‌یده‌ر عه‌بادى دا هاتیه به‌لاڤكر، عه‌بادى دده‌مێ پێشوازیا شاندێ هه‌رێما كوردستانێ ب سه‌رۆكاتیا سه‌رۆكێ حوكمه‌تا هه‌رێمێ نێچیرڤان بارزانى دا گۆت: به‌رژه‌وه‌ندیا عیراقێ ژ هه‌موو به‌رژه‌وندیان مه‌زنتره، و گه‌فێن تیرۆرێ گه‌فن ل سه‌ر هه‌موو عیراقێ له‌ورا پێدڤیه هه‌موو ئاریشه بهێنه چاره‌كرن، دیاركر، ئه‌م باوه‌رناكه‌ین چو ئاریشه دبێ چاره‌سه‌رى بن ل گوڕ دستور و دادپه‌روه‌ریێ.