ب وێنه: ل سلێمانيێ هێرشێن سه‌ر عه‌فرينێ دهێنه شه‌رمزاركرن
ئه‌ڤرۆ نيوز، عه‌زيز هه‌ورامى:
ژ بوو شه‌رمزاركرنا هێرشێن ل سه‌ر عه‌فرينێ ل باژێرێ سلێمانيێ ب هزاران وه‌لاتى رژيانه سه‌ر جادان.
سپێده‌هيا ئه‌ڤرۆ ل ده‌مژمێر 11ى به‌رى نيڤرۆ ب سه‌دان وه‌لاتى ژ هه‌موو چين و ته‌خێن جڤاكى ل سلێمانيێ رژيانه سه‌ر جادان و ده‌ستدرێژيێن سۆپايێ توركيا ل بۆ سه‌ر كانتۆنا عه‌فرينێ ل رۆژئاڤايێ كوردستانێ شه‌رمزار كرن.
خوه‌نيشانده‌رێن سلێمانيێ چه‌ندين دوريشمێن جودا دژى توركيا بلند كربوون و پشته‌ڤانيا خوه بۆ عه‌فرينێ ده‌ردبڕى، داخواز ژى ژ جڤاكا نێڤده‌وله‌تى دكر كو ل هه‌مبه‌ر ڤان هێرشان بێ ده‌نگ نه‌مينن.
بۆ ماوێ 10 رۆژايه له‌شكرێ توركيا و 25 هزار له‌شكر ژ هێزێن ئۆپۆزسيۆنا سورى هێرش كريه سه‌ر كانتۆنا عه‌فرينێ و هه‌تا نوكه ژى چو لايه‌كى پشته‌ڤانيا خوه ب ره‌نگه‌كێ كريارى بۆ وێ كانتۆنێ ده‌رنه‌بڕيه.
