ئه‌مریكا: داعشێ و حوکمه‌تا سووریێ هه‌ردویان چه‌كێ كێمیایی ب كارئینایە
ئەڤرۆ نیوز ، زنار تۆڤی:
به‌رپرسێن ئه‌مریكا دیاردکەن کو حوکمه‌تا سووریێ و چه‌كدارێن داعش هه‌ردو یان چه‌كێ كێمیایی ب کارئینایە،به‌رپرسەکێ پله بلند یێ واشنتۆن کو ناڤێ خوە ئاشکرانەکریە دایە دیارکرن،کو ئەگەرەکێ زۆر هه‌یه واشنتۆن ئۆپه‌راسیۆنەکا سه‌ربازی بۆسه‌ر به‌رپرسێن سووری ئه‌نجام بدەت.
به‌رپرسێن واشنتۆن ئاشكرا دكه‌ن ژی،کو بشار ئه‌سه‌دی سه‌ره‌رای هندێ کو ل سالا 2013 په‌یمانناما ژ‌ناڤ برنا چه‌كێ كێمیایی ئیمزا كریه، به‌لێ پێ دچیت وی پشکەک ژ وان چه‌کان ڤەشارتبن و دڤان چه‌ند سالێن دوماهیێ دا ب كارئیناینە ل دژی ئۆپۆزسیۆنا سووریێ.
به‌رپرسێن ئه‌مریكا ئاماژە ب هندێ ژی دایە،کو چه‌كدارێن داعشێ چه‌كێ كێمیایی ب كارئینایە ل دژی لایه‌نێن به‌رامبه‌ر و هه‌روه‌سا خه‌لكێ سڤیل ژی،لێ چەکێن داعشێ د سەرەتایی و لاوازتربوون،ژ چه‌كێن كێمیایی یێن بشار ئه‌سه‌دی.
