هشیار زێبارى: به‌غدا ملیار دۆلاران دێ بۆ پێشمه‌رگه‌ێن هه‌رێمێ ره‌وانه‌كه‌ت
ئه‌ڤرۆ نیۆز:
پشتى رێككه‌فتنا د ناڤبه‌را حوكمه‌تا عیراقێ و حوكمه‌تا هه‌رێما كوردستانێ بۆ چاره‌كرنا ناكوكى و قه‌یرانێن د ناڤبه‌را هه‌ردو ئالیان دا سه‌باره‌ت هنارتنا په‌ترۆلێ و داهاتێ په‌ترۆلێ و بودجا گشتى یێ عیراقێ.
وه‌زیرێ دارایێ عیراقێ هوشیار زێبارى راگه‌هاند، رێككه‌فتن ل سه‌ر هنارتنا 550 هه‌زار برمیلێن په‌ترۆلا هه‌رێما كوردستانێ و كه‌كووك هاتیه كرن، به‌رانبه‌رى وێ به‌رهرا كوردان ژ بودجا گشتى كو رێژا 17% دێ هێته ره‌وانه‌كرن.
هه‌روه‌سا زێبارى دیاركر، ئه‌و رێككه‌فتنا نوو ل ده‌ستپێكا هه‌یڤا بهێت دێ كه‌ڤیته كارى ئانكو 1/1/ 2015 ، حوكمه‌تا عیراقێ دێ ملیار دۆلاران بۆ پرَچه‌ككرن و كرینا كه‌له‌وپه‌رلێن پێدڤى یێن پێشمه‌رگه‌رى و دانا مووچه‌ى هنێریت.
هه‌ژى گۆتنێ یه كو به‌رها كوردان ژ بودجا سالا 2014 ب كوژمێ 12 ملیار دۆلاران هاتیه خه‌لامه‌ندن، ل گۆر باوه‌ریا وه‌زیرێ دارایى ئه‌و رێككه‌فتن مفایێ هه‌ردو ئالیانه.
هوشیار زێبارى خوه‌یاكر، حوكمه‌تا هه‌ولێرێ ڤیایه ساقامگیریا په‌یوه‌ندیێن خوه ل گه‌ل به‌غدا راگریت، حوكمه‌تا به‌غدا تووشى قه‌یرانێن مه‌زنێن دارایى بوویه، ب ئه‌گه‌رێ داكه‌فتنا بهایێ په‌ترۆلێ و مه‌زختنێن بێ مفا له‌ورا هه‌موو پێنگاڤان بۆ زێده‌كرنا به‌رهه‌مێ په‌ترۆلێ دكه‌ت.
به‌رانبه‌رى وێ حوكمه‌تا هه‌رێمێ پێدڤى ب پاره‌ى هه‌یه ژبه‌ر هوكارێن ئێمناهیێ و دانا مووچه‌یێن فه‌رمانبه‌ران و كه‌رتێ گشتى و بجهئینانا پرۆژه‌یێن ژێرخانا ئابورى.