نه هه‌ر خووین به‌ربوونه‌ك هزربكه‌ى قه‌رحا ته‌یا مه‌عیده‌ى یا په‌قى
ئه‌ڤرۆنيوز:
دوو جۆرێن قه‌رحا مه‌عیده‌ى يێن هه‌ين ، ئێك خوین به‌ربوونه و یا دويێ په‌قینه، گه‌له‌ك جاران هنده‌ك وه‌سا هزر دكه‌ن ، ده‌مێ خووین به‌ربوون په‌یدابیت ئانكو قه‌رحه په‌قى، به‌لێ په‌قاندنا قه‌رحێ ئه‌وه ده‌مێ دیوارێ مه‌عیده‌ى یان دوازده‌گرێ كون بیت و چاره‌سه‌رى ئه‌وه خوین به‌ربوون ب چاره‌سه‌ریێ چێدبیت ، به‌لێ كونبوونا قه‌رحێ پێدڤى نشته‌رگه‌ریێن ب له‌ز دبیت.
ل دۆرئه‌گه‌رێن په‌یدابوونا قه‌رحا مه‌عیدەی، ئه‌گه‌رێ سه‌ره‌كى به‌كتریایه‌كه دبێژنێ (هێلیكوباكته‌ره پلیورى ) كو دسالێن هه‌شتیادا ئه‌ڤ به‌كتریایه هاته ئاشكراكرن ، ئه‌ڤ به‌كتریایه دناڤ هناڤان دا دژیت ،هه‌روه‌سا زكماكى ژى دبیته ئه‌گه‌رێ په‌یدابوونا قه‌رحا مه‌عیده‌ى.
گه‌له‌ك جاران نیشان ل وى كه‌سى دیارنابن ئه‌وێ قه‌رحا مه‌عیده‌ى هه‌بیت ، به‌لكو سه‌رێ زكى ئه‌و جهێ مه‌عیده‌ى دێ ئێشیت، به‌لێ نیشانا سه‌ره‌كى ئه‌وه ئه‌ڤ نه‌خوه‌شه ده‌مه‌كى یێ باشه و ده‌مه‌كى نه وقه‌رحا وى دئێشیت،هه‌روه‌سا ئێشانه‌كا تایبه‌ت یا برسێ ل جه‌م وان په‌یدا دبیت ، هه‌كه برسى بوون و ده‌مه‌كێ كورت دا تشته‌كى بخون ، ئه‌ڤ ئێشانه نامینت.
