حه‌فت مفایێن گرنگ یێن خواندنا چیرۆكان بۆ زارۆیان
ئەڤرۆ نیوز ، زنار تۆڤی:
زانایێن په‌روه‌رده و فێركرنێ دبێژن، باشترین هۆكار كو هاریکاریا دایكان ددەت،کو زارۆیێن خوە ب باشترین شێوه په‌روه‌رده بكه‌ن، خواندنا چیرۆكێن زارۆیانە بەری نڤستنا وان.
دبیت گەلەک دایک وێ هزرێ بکەن،دەمێ دایکەک د فلماندا چیرۆكان بۆ زارۆیێ خوە دخوینیت، كارەکێ زێدە دکەت و هیچ مفایەک نینە، بەلێ د راستیدا زانا و شاره‌زایێن وارێ په‌روه‌ردێ،ئەڤ حه‌فت مفایێن گرنگ یێن خواندنا چیرۆکێ دیارکرینە:
. هۆكارەکی گرنگه بۆ هندێ کو خواندن و نڤێسینێ ل به‌رچاڤێن زارۆیێن خوە شرین بكه‌ت، هه‌روه‌سا هەکە فێری وان چیرۆكان بیت،چو جارا داخوازا ئامیرێن وەک ئایپاد و مۆبایلێ ناكەت،کو بەری خەوێ ب کار بینیت.
.دێ زارۆیێ خوە فێری لێهاتوویێ کەت،دێ وەلێ کەت،کو بشێت زوو د روودا وان بگەهیت و هۆكار و ئه‌نجامێن وێ چیرۆكێ پێکڤە گرێ بدەت.
.بوراندنا دەمەکێ خۆش ل گه‌ل دایك و بابێن خوە، ل گه‌ل هندێ ،دێ حەز ژێکرنا وان بۆ وی زێدە بیت،دێ بینیت کو خۆشتڤی ترین كه‌سن،کو ل دوماهیا رۆژا ویدا ل پال وینە و گرنگیێ پێ د‌ده‌ن.
. دێ خه‌یالێن وی گه‌شه كه‌ن،دێ وەلێ کەن کو روودانێن چیرۆكه‌كان ب گوهۆریت و نموونێن ناڤ چیرۆكێ بینیته سه‌ر كه‌سێن ده‌وروبه‌ری خوە.
.هەکە دایك و بابێن وی چه‌ند زمانێن جۆدا بزانن، باشتره ب ده‌نگێ بلند ونان چیرۆكان بۆ بخوینن،کو جۆدایە ژ زمانێ دایكا وی، ئه‌ڤەژی دێ وەکەت،کو ب زمانێن دیتر ئاشنا بیت و زوو فێر ببیت.
.دێ فێری سه‌رنجدان و پرسیاركرنێ بیت،تشتێن جۆدا یێن ناڤ وێ چیرۆكێ دێ کەتە پرسیار و دێ مێشكی وی پێ گه‌شه کەت.
. هەکە دایک و باب پێکڤە چیرۆكان بۆ بخوینن،دێ ئەو زارۆ هه‌ست ب ئاسووده‌یێ کەت،وێ شەڤێ هەموویێ دێ ب ئارامی نڤیت،هەروەسا هەکە هه‌ر كێشه‌یه‌كا د وێ رۆژێ دا بۆ وی دروست ببیت،ب وێ نێزیكبوونێ چو کێشه ل هزرا ویدا نامینن.
