پرانیا کێشێن ژێکجۆدابوونێ بۆ جۆداهیا تەمەنێ هەڤژینان ڤەدگەریت
ئەڤرۆ نیوز ، زنار تۆڤی :
گەلەک ژ كێشێن ژێکجۆدابوونێ دناڤبەرا هەڤژینان دا، بۆ جۆداهیا ته‌مه‌نی ڤەدگه‌ریت،ڤێجا چو ژن مەزنتربیت ژ زەلامی یان به‌رۆڤاژی بیت، ئه‌ڤ حالەته دێ هه‌ر روو ده‌ت.
د ڤەکۆلینەکێدا کو هه‌ر ئێک ژ ئه‌ندرۆ فرانسیس و هیجۆ میالۆن زانایێن وارێ جڤاکی ل زانكۆیا ئیمۆری یا ئه‌مریكی ئه‌نجام دایه،تێدا ده‌ركه‌فتیه کو پەیوه‌ندیه‌كا باوه‌رپێكری دناڤبەرا ته‌مه‌نێ هەڤژینان و مانا دەمێ هەڤژینیا وان هه‌یه.
د وێ ڤەکۆلینێدا زانایان تاقیكرن ل سه‌ر سێ هزار ژن و مێران ئه‌نجام دایە، بۆ وان ده‌ركه‌فتیە هندی ته‌مه‌نێ دناڤبەرا وان دا یێ زێدەتر بیت،دێ رێژه‌یا ژێکجۆدابوونی یێ زێدتر بیت.
ب گشتی ئەو رێژە ب ڤی رەنگی بوون:
هەکە جیاوازیا ته‌مه‌نێ وان دناڤبەرا پێنج سالان دابیت،دێ ب رێژه‌یا %18 ئه‌گه‌رێ ژێکجۆدابوونێ هه‌بیت.
هەکە جیاوازیا ته‌مه‌نێ وان دناڤبەرا 10 سالان دابیت، دێ ب رێژه‌یا %39 ئه‌گه‌رێ ژێکجۆدابوونێ هەبیت.
هەکە جیاوازیا ته‌مه‌نێ وان دناڤبەرا 20 سالان دابیت،دێ ب رێژه‌یا %95 ئه‌گه‌رێ ژێکجۆدابوونێ هەبیت.
به‌لێ هەکە جیاوازیا ته‌مه‌نی دناڤبەرا ئێک سالیێ دابیت، دێ ب رێژه‌یا %3 ئه‌گه‌رێ جۆدابوونێ هه‌بیت، ئه‌ڤێ ژی وەکریە کو ب رێژه‌کا به‌رچاڤ هەڤژینی دناڤبەرا ته‌مه‌نێ نێزیکی ئێک زێدە ببیت.
