نەە جۆداهی دناڤبەرا مێشكێ ژن و زەلامان دا هەنە
ئەڤرۆ نیوز ، زنار تۆڤی :
د نوکە دا بەحسكرن ل جۆداهیێن دناڤبەرا مێشكێ ژن و زەلامان دا بوویه كارەكێ رۆتین، هه‌ر كه‌سەك ل جهێ خوە بەحسێ جۆداهیێن مێشكێ ڤان هەردو ره‌گه‌زان دکەت.
پەرتووکەکا زانستی یا باوه‌ر پێكری ب ناڤێ زەلام ل مه‌ریخێ و ژن ل زوهره هه‌یه،کو نڤیسه‌رێ وێ جۆن گره‌ی رۆمان نڤیس و نڤیسه‌رێ ناڤدارێ ئه‌مریكیه،هه‌ر ژ ناڤونیشانێ پەرتووکا وی دیار دبیت،کو ژن و زەلام ژ دو هه‌سارێن دووری ئێک هاتینە و یا ب زەحمەتە مێشکێ وان وه‌كو ئێک بیت.
د وێ پەرتووکێ دا بەحسێ گەلەک جۆداهیێن ژن و زەلامان ژ روویێ هزركرنێ، شێوازێ ژیانێ، كارڤەدان و گەلەک تشتێن دیتر كریە، ل گه‌ل هندێ ژی گەلەک ب هووری بەحس ل هندێ کریە،کو چاوا مێشكێ هه‌ردو ره‌گه‌زان کار د‌كه‌ن؟.
ب كورتی و پوختی ئه‌وا د وێ پەرتووکێ دا ل سه‌ر جۆداهیا مێشك ژن و زەلامان هاتیە بەحسکرن، بۆ ڤان خالان ڤەدگەریت:
. قه‌بارێ مێشكی:
مێشكێ زەلامی ژیێ ژنێ مەزنتره، ئه‌ڤ مەزنیە هیچ شیانەکێ نابەخشیته هزركرنی و شێوازێ ب كارئینانێ، ته‌مام كه‌رەكه بۆ پڕكرنا قه‌بارێ جه‌سته‌ی، وه‌ك چاوا دبیت کو ماسولکێن دیتر یێن لەشێ زەلامی ژیێ ژنێ مەزنتر و ب هێزتر بن، مێشكێ وی ژی یێ وەسایە.
. نیڤ مێشك:
زۆربەیا زەلامان به‌شێ راستێ یێ مێشكێ خوە ب كار دئینن،بەلێ ژن هه‌ردو به‌شێن مێشكێ خوە ب یه‌كسانی ب كار دئینن،ئەڤێ ژی وەكریه کو زوو بشێت د ره‌گه‌زێ به‌رانبه‌ر تێ بگەهیت،زەلام نەچارن زۆر ب هووری و سه‌رنج ڤە وی به‌شێ مێشكێ خوە ب كار بینن،شیانێن هزر و مێشكێ خوە هه‌موویێ د ئێک تشتدا خه‌رج بكه‌ن و ئاگەه ژ چو دی نه‌مینیت،ژبەر هندێ زانا دبێژن،زەلام دشێت د كاراندا زووتر سه‌ركه‌فتنێ ب ده‌ستڤە بینیت و سه‌رنجا وی یا هوورتر بیت.
. پەیوه‌ندی:
ژن د دروستكرنا پەیوه‌ندیاندا گەلەک د شاره‌زا و لێهاتینە، هه‌روه‌سا دشێن رێژه‌یا گرنگی دانا خوە ب هه‌موو تشتەکی سنوردار بكه‌ن، ب باشترین شێوه ژی دشێن كێشه‌یان چاره‌سه‌ر بكه‌ن، ئه‌ڤە هه‌موو ژێدەرێ هندێ د گریت،کو ب باشی شیانێن راگرتنا پەیوه‌ندیان هه‌یه، هه‌روه‌سا دبێژن ژن ب شێوه‌کێ دروست بوویه، كو هه‌ست و سۆز و میهره‌بانیا وان ژ یا زەلامان زۆرتره،ڤێ ژی وەکریە کو زەلام د دروستكرنا پەیوه‌ندیاندا وه‌ك ژنان د لێهاتی نه‌بن.
. هونه‌رێ ژمێریاریێ و بیركاریێ:
دهێته گوتن کو زەلام د بیركاریێ و ژمێریاریێ دا گەلەک ژ ژنان شاره‌زا و لێهاتی ترن، ئه‌ڤە ژبەر هندێ یە کو ئه‌و هووورده‌كاریێن ل ناڤا دیوارێن مێشكێ زەلامان دا قه‌بارێ وان ژیێ ژنان مەزنتره، ئه‌ڤێ ژی وە كریه،کو هه‌موو دەمان زەلام دڤی واریدا سه‌ركه‌فتی تربن و د شاره‌زا بن.
. دو دلی:
دەمێ روو ب روو دۆخەکێ دو دلی دبن، هەموو گاڤا زەلام پلانا بۆ هێرشكرنێ یان دووركه‌فتنێ دبه‌ن،لێ ژن بزاڤێ دکەت خوە تەسلیم بکەت، یان وێ پەیوه‌ندیێ بپارێزیت،کو ب گشتی د هه‌موو ژن و زەلامان دا دهێته دیتن، ئه‌ڤە ژی هاریکاریا ژنێ دکەت،کو ب باشی خوە ل گه‌ل هه‌موو دۆخان دا بگونجینیت، به‌لێ زەلام یێ ئاماده‌یه ژ پێناڤی بریارا خوە،ب تنێ ب مینیتە ل مال.
. زمان:
ژن د زمانه‌ڤانیێ دا ژ زەلامان زیره‌كترن، ئه‌ڤە ژی ب ئەگەرێ دابه‌شكرنا خانێن مێشكێ وێنە،لەوما د كاروبارێ نڤێسینێ، سكرتێری، بێژه‌ری و پێشكێشكاریێ دا، هه‌موو گاڤا ژن سه‌ركه‌فتی تر بووینه،د زارۆکانیێ ژی دا زووتر فێری ئاخفتنێ دبن.
. هه‌ستیاری:
ژن ب میهره‌بانی و هه‌ستیاریێ یا ناسیاره،هه‌موو دەما بزاڤێ دکەت کو پەیوندیێن وێ ب هێز ب مینن،لەوما زۆر تشتان ژ به‌رامبه‌ری خوە قەبوول دکەت،ئه‌ڤێ ژی وەكریه،کو هه‌ستیاریا وێ هندەک جاران تووشی ره‌شبینیێ و خه‌مۆكیێ بكەت،لێ هه‌ر خوە ل به‌ر دگریت.
. دیاركرنا جهی:
به‌شێ دیوارێن مێشكێ ژنان گەلەک ژ یێن زەلامان د بلندترن، ئه‌ڤێ ژی وەكریه کو ب زەحمەت بشێت سه‌رنجا جهان بدەت و ب بینیت،لەوما شۆفێرێن تەكسیا ب گشتی زەلامن،چونكی ب ساناهی شارەزایی جهان دبن و شیانێن دیتنێ هه‌نه.
. نەساخی:
زەلام ب رێژه‌کا زۆرتر ژ ژنان تووشی نه‌خۆشیا دیلیكسیا دبن، ئه‌ڤە ژی وە دکەت کو ب زەحمەت فێری خواندنێ و نڤێسینێ ببن، هه‌روه‌سا زێدەتر تووشی ب تنێ بوونی دبن، چونكی وێ نەساخیێ پەیوه‌ندی ب به‌شێ راستێ یێ مێشكی ڤە هه‌یه، ل گه‌ل هندێ ژی تێكچوونا بارێ ئاسایی یێ مێشكی زێدەتر د ژناندا روو ددەت، ئه‌ڤە ژی وە دکەت،کو زووتر تووشی دوو دلیێ و خه‌مۆكیێ ببن.