گووگل دێ ب 39 زمانێن دیتر نەخشەیان بەلاڤ کەت
ئەڤرۆ نیوز ، زنار تۆڤی :
كۆمپانیا گووگل یا ئەمریكی ئاشكرا كر،کو خزمەتگوزاریا نەخشەیان گووگل ماپس ب 39 زمانێن دیتر ل داهاتیەکێ نێزیكدا دێ ئێخنە کار ژبۆ خزمەتکرنا بكارهێنەرێن گووگل ماپس.
كۆمپانیا گووگل گوتیە ژی، زمانێن توركی و عیبری و فلیپینی و چەندین زمانێن دیتر یێن گەلێن جیهانێ بۆ خزمەتکرنا گووگل ماپس دێ ئێخنە کار،پشتی کو ماوێ نێزیكی 14 سالان ئەڤ خزمەتگوزاریە ب تنێ ب زمانێ ئینگلیزی پێشكێشی ب كارهێنەرێن گووگلی دكر.
هەروەسا گوتیە،ئەو 39 زمانێن ل گووگل ماپ دا هاتینە زێدەکرن، زێدەتر ژ 1.25 ملیار كەسان ل سەر گۆیا زەڤێی ب وان زمانان د ئاخڤن و ئەم ژی ژبۆ ل بەرچاڤ وەرگرتنا جۆداهیان و ئاسانكاریێن زێدەتر بۆ ئەوان كو زمانێ ئنگلیزی نزانن،دێ بەردەوام بین ژبۆ پێشكێشكرنا خزمەتگوزاریێن زێدەتر.
دیسا گووگلی بریار دایە کو ڤێرژنێن نوو یێن نەخشەیان بۆ سیستەمێ كارپێكرنا ئای ئۆ ئێس و ئەندرۆیت و ویندۆز و ماك بێخیتە كار،ب ڤێ چەندێ هەموو روویەكێ نەخشێن گووگلی دێ نوو بن و دێ خزمەتەکا زێدەتر پێشكێشی ب كارهێنەران ب گشتی و گەشتیاران ب تایبەتی كەن.