ل سەر ئاستێ جیهانێ ئێکەما بێ ركابەرە
ئەڤرۆ نیوز ، زنار تۆڤی :
هژمارا وان كەسێن کو ل سەر تۆرا جڤاکی یا توویتەرێ لایكێن ل سەر لاپەرێ یانا ریال مەدرید ب زمانێ ئیسپانی كرینە گەهشتینە 30 ملیۆن كەسان، ب ڤێ چەندێ بوویە ئێكەم یانە ئەو هژمارا هەواداران هەبیت.
لاپەرێ مەدریدیستا کو لاپەرێ تایبەتە ب یانا ریال مەدرید ڤە ل سەر تۆرا جڤاکی یا توویتەری،ب فەرمی بوویە ئێكەم یانە ب بەراورد ل گەل سەرجەم یانە و دامەزراوێن وەزرشی کو زۆرترین هەوادار هەبن.
پشتی یانا ریال مەدرید،د رێزبەندیا دویێ دڵ زۆرترین هەوادار ل سەر تۆرا جڤاکی یا توویتەرێ هەبیت یانا بەرشەلۆنا یا ئیپسانی دهێت كو خودانا 28.7 ملیۆن هەوادارن،پشتی وێ خولا باسکەتبۆلا ئەمریكی و خولا تەپا پێ یا ئەمریكی و پاشی چامپیۆنزلیگا ئورۆپا دهێت كو زێدەتری 20 ملیۆن هەواداران هەنە.
یانا ریال مەدرید ژ بلی توویتەری ل سەرجەم تۆرێن جڤاکی هەر د ریزبەندیا ئێکی یا یانا و دامەزراوەیێن وەرزشی دهێت.
هەروەسا هێرشبەرێ وێ یانێ كریستیانۆ رۆنالدۆ یێ پورتوگالی ب هەمانشێوە زۆرترین جار ناڤێ وی د توویتەری دا هاتیە.