كۆچكا سپی:هێشتا دەم یێ مایی بۆ هێرشكرنا سه‌ر سووریێ
ئەڤرۆ نیوز ، زنار تۆڤی :
پشتی کو دوهی پێنجشەمبی دۆنالد ترەمپی سەرۆكێ ئەمریكا راگەهاندی،کو ئەو دێ دەربارەی دۆخێ سووریێ کومبن و ئەو نێزیك بووینە بۆ وەرگرتنا بریارەكێ ژ بەرسڤا ب كارئینانا چەكێ كیمیایی ل سووریێ.
ئه‌ڤرۆ ئەینیێ 13 نیسانێ كۆچکا سپی د به‌یاننامه‌کا فه‌رمیدا راگه‌هاندیە،کو دۆنالد تره‌مپێ سه‌رۆكێ ئه‌مریكا، دوهی پێنجشه‌مبی ل گه‌ل جڤاتا ئاسایشا نیشتمانی كۆمبوویه و بژاردەیێن ئه‌مریكا دەرباره‌ی سووریێ گوتۆبێژ کرینە، به‌لێ بریارا دماهیێ ده‌رنه‌چوویه هەتاكو نوکه.
ساره ساندرز، پەیڤدارا كۆچکا سپی د به‌یاننامه‌‌كێدا گوتیە،راپۆرتێن هه‌والگیریێ هه‌لدسه‌نگینن و ل گه‌ل هەڤبه‌شێن خوە و هەڤپه‌یمانێن خوە دەرباره‌ی سووریێ گفتوگۆیێ دكه‌ن، چونكی هێشتا دەمێ هێرشكرنا سه‌ر سووریێ یێ مایی.
ل شەمبیا بوری سوپایێ سووریێ هێرشەک ب گازا كلۆری كریە سەر گەرەکەکا شارێ دۆما ل دەڤەرا غووتەیا رۆژهەلات ل سووریێ و ب ڤێ چەندێ 150 كەسان گیانێ خوە ژ دەست دایە و هزاران کەس بریندار بووینە.
