عمار ئه‌ڤ شه‌ڤه ده‌پێ شانوویێ و دلێ هه‌ر كورده‌كى هه‌ژاند
ئه‌ڤرۆ نیۆز، سالار دۆسكى:
عه‌مار كوفى تاكه كوردێ ل پرۆگرامێ ئه‌رب ئایدل ل كه‌نالێ mbc شه‌ڤا بورى سپرایزه‌ك كره دیارى بۆ هه‌موو خه‌لكێ كوردستانێ تایبه‌ت پێشمه‌رگێ كوردستانێ، ئه‌ڤجاره نه‌وه‌ك جاران بوو و سه‌نگ و ده‌نگێن وى هه‌ر تاكه كورده‌ك هه‌ژاند چونكه گه‌له‌ك نامه د ده‌ستى دابوون و گه‌هاندن، ب گۆتنا سترانا هونه‌رمه‌ندێ مه‌زن (ته‌حسین تاها)ى ناڤ ئینانا (پێشمه‌رگێ كوردستانێ) موراله‌كا دى دناڤ خه‌لكێ كوردستانێ دا بلندكر و ده‌پێ شانوویێ ل كه‌نالێ ناڤبرى و دلێ هه‌ر كورده‌كى بینه‌رییا وى دكر هه‌ژاند..
پشتى به‌رنامه‌ى په‌یچێ فێسبووكى هه‌موو بووینه هه‌ژمار(21) وێنه هه‌موو بوینه (عه‌مار كوفى) خه‌لكێ كوردستانێ ب مالپه‌رێن فه‌رمى و په‌یچا هه‌موو ب ڤێ سترانێ و ڤى ده‌نگى سه‌ر بلند و شادبووینه ب ناف ئینانا پێشمه‌رگێ كوردستانێ، هه‌ر كه‌سه‌ك ژلایێ خوه ڤه یێ ده‌نگێ عه‌مار كوفى بلند دكه‌ت و به‌لاڤه دكه‌ت..
ب گۆتنا ڤێ سترانا هونه‌رمه‌ندێ مه‌زن(ته‌حسین تاها)ى ستێرا پرۆگرامێ ئه‌رب ئایدل(عه‌مار كوفى) دو بیرهاتن ئینانه سه‌ر ده‌پێ شانوویێ و دو نامه گه‌هاند، ده‌نگ و شیانێن خوه ب گۆتنا ئێك ژ زحمه‌ترین سترانێن هونه‌رمه‌ندێ مه‌زن (ته‌حسین تاها)ى، كو هونه‌رمه‌ندێ موزیكژه‌ن ئه‌كادیمى (مه‌حمه‌د زه‌كى) دپه‌یچێ خوه‌یێ تایبه‌تێ فێسبووكى دا دبێژێت ته‌ناما خوه گه‌هاند و ته هونه‌رێ كوردى ژى گه‌له‌ك ب جوانى گه‌هاند ب تایبه‌تى ل جیهانا عه‌ره‌بى و شانازیێ ب ته دبه‌ین، دیسا دناڤا په‌یچان دا هاتیه به‌لاڤه‌كرنا كو مێژوویا ڤێ سترانێ بۆ سالا 1979 دزڤریت كو ده‌مێ بابێ روحیێ نه‌ته‌وا كورد بارزانیێ نه‌مر وه‌غه‌ركرى هونه‌رمه‌ندێ مه‌زن (ته‌حسین تاها)ى سترانا (من خه‌م ژ ده‌ریایه‌كا )كویره گۆت و خه‌م و كوڤانێن خوه د دل دا حه‌واند ژبه‌ر رژێما دكتاتورا گور به گور، له‌وما ستران هه‌تا نوكه مایه ساخ و ناهێته ژبیركرن.
شاره‌زایێن هونه‌رێ موزیكێ ئاماژه دكه‌نه وێ چه‌ندێ كو عه‌مار كوفى رۆژ بۆ رۆژ و قۆناغ بۆ قۆناغێ تشتێ نوو دیار دكه‌ت و ڤێ چه‌ندێ كورد هه‌موو جیهانێ سه‌ربلندكرینه و هونه‌ر باشترین نامه‌یه بۆ جیهانێ كو كورد ملله‌ته‌كێ ئاشتى خوازن.