ب وێنە: رێبازا پارتی و بارزانی د نووترین کارێ ھونەری دا
ئەڤرۆ نیوز، نەوزاد ھلۆری:
تپیا ھونەری یا کانی بوو د نووترین بەرھەم دا رابوویە ب درۆستکرنا کلیپ و کارەکێ ھونەریێ نوو وەکو پشتەڤانی بو لیستا 184 یا پارتی دیموکراتی کوردستان و بریارە دوور وژێن بھێت بھێتە بەلاڤکرن ، و ھوزانڤان بورھان زێباری ژی تێدا پشکدارە.
دڤی واریدا “رێبەر بارزانی” سەرۆکێ تیپا ھونەری یا کانی بووت بو ئەڤرۆ نیوز گۆت: (ب مەەرما خزمەتکرنا لیستا 184 یا پارتی دیموکراتی کوردستان تیپا کانی بووت ب ھەڤکاریا لقێ 10ێ پارتی و لژنا ناوچا مێرگەسوور و چەند کەساتیەکێن دەڤەرێ رابوویە ب چێکرنا نووترین کارێ ھونەری کو ئەو ژی کلیپ و بەرھەمەکێ ھونەری یە لسەر لیستا 184 یا پارتی دیموکراتی کوردستان و دوو روژێت بھێت دێ ھێتە بەلاڤکرن)
زێدەتر گۆت: (ناڤەروکا بەرھەمی بەحس ل ئەمانەتەکێ دکەت کو ئەو ژی ئالایێ پارتی یە کو ب رامانا رێبازا پارتی و بارزانی و ئەوێ خەبات و قوربانیدانا پارتی و بارزانی نەمر بو کوردایەتی و نەتەوەی کری ، ب تایبەتی بو ئەوێ پێکڤەژیانا ئولی و نەتەوەی یا لژێر رێبازا پارتی و بارزانی ل کوردستانێ درۆست بووی).
بەرھەم پێکدھێت ژ 10 خولەکا و چەند ئەکتەرێن کچ و کور کو خەلکێ دەڤەرێ نە (مەسیحی و موسلمان ) تێدا پشکدارن و ل ناڤ سرۆشتێ گوندێ بارزان ھاتیە وێنەکرن ، وێنەگریا وێ ژلایێ ئیسماعیل شەمزینی و بێوار ھاتیە گرتن ، و دەرھێنان ژلایێ رێبەر بارزانی بوویە و پەیڤ ژلایێ ئیسماعیل شەمزینی و رێبەر بارزانی بوویە ، و ھوزانڤان بورھان زێباری ب ئەرکێ خواندنا تێکستێ رابوویە.
