بۆ ئه‌و قوتابيێن ل زانكۆلاين نه‌هاتينه وه‌رگرتن
ئه‌ڤرۆ نيوز، نيوار محه‌مه‌د سه‌ليم:
به‌رپرسێ زانكۆلاين ل وه‌زاره‌تا خواندنا بلند و ڤه‌كۆلينێن زانستى ل حوكمه‌تا هه‌رێما كوردستانێ راگه‌هاند كو ل ڤان نێزيكان دێ ناڤێن هزار و 596 قوتابيێن دى ل زانكۆ و په‌يمانگه‌هێن هه‌رێمێ هێنه وه‌رگرتن.
د راگه‌هاندنه‌كێ دا كو دانه‌يه‌ك بۆ ئه‌ڤرۆ نيوز ره‌وانه‌كريه، سالار خزر حسێن، به‌رپرسێ زانكۆلاين ل وه‌زاره‌تا خواندنا بلند و ڤه‌كۆلينێن زانستى ل حوكمه‌تا هه‌رێما كوردستانێ راگه‌هاند كو ئه‌و 1596 قوتابيێن ژ ئه‌گه‌رێ خه‌له‌تى و كێميا هه‌لبژارتنا ل ده‌مێ پڕكرنا فورمێن زانكۆلاين ناڤێن وان نه‌هاتين ل ڤان نێزيكان دێ هێنه راگه‌هاندن.
ته‌كست ل سه‌ر وێ چه‌ندێ ژى كر كو نوكه ب ره‌نگه‌كێ هوور كار ل سه‌ر پرۆسا وه‌رگرتنا وان قوتابيان دهێته كرن و هه‌تا سوبه‌هى ناڤێن وان هێنه به‌لاڤكرن و دشێن ب رێيا مالپه‌رێ “www.regayzanko.com” و ب كارئينانا هه‌مان يۆزه‌ر و پاسورد كو به‌رى نوكه فورمه پێ داگرت بوون، وان جهان بينن يێن لێ هاتينه وه‌رگرتن.