لیستا 184 خودانا داستانێن پردێ و عوێن عوێزه..
داستانێن پردێ و عوێن عوزێر مهزنترین پلانێن دوژمنان شكاندن
خودانێن قارهمانێن داستانێ، پردێ و عوێن عوێز ههر ژ جێگرێ فهرماندێ لهشكرێ رۆژ:
ب دانپیدانا سهركردێن عیراقێ ههكه هێرش نه راوستیا با دبیت پێشمهرگهى هێرش كربا و دا دهڤهرێ ههموویێ كونترۆل كهت
ئهڤرۆ ، سالار دۆسكى:
فهرماندێن پێشمهرگێ كوردستانێ بهحسێ داستانێن پردێ و عێن عوزێر دكهن، دیار دكهن پێشمهرگهى ل 16 ئكتوبهرێ ههموو خهونێن دوژمنى پووچكرن، لهوما پێدڤى یه خهلكێ كوردستانێ ئهڤان قارهمانان ل رۆژا دهنگدانێ ژبیر نهكهت و دهنگى بدهته لیستا ههژماره (184) یا پارتى دیمۆكراتى كوردستان.
عهمید چیایى حهسهن مهحموود جێگرێ فهرماندێ لهشكرێ رۆژ، بۆ رۆژناما ئهڤرۆ گۆت: پشتى 16ى ئكتوبهرێ هندهك رێكهفتن هاتنهكرن د ناڤبهرا حوكمهتا عیراقێ و پێشمهرگهى دا كو دستوور بیتهدادوهر و ل دووڤ رێكهفتنێ ئهو جهێن سیاسى بهێنه رادهستكرن بۆ حوكمهتا عیراقێ و مادێن دستوورى چنه بهێنه بجهئینان، وهك سكرێ مووسل، خالا رهبیعه یا سنۆرى و پێشمهرگه 17 ههیڤێ خوه ڤهكێشا سكرێ مووسل و رهبیعه و شنگال پشتى ئهڤێ ڤهكێشانێ دیاربوو كو حوكمهتا عیراقێ نهڤێت دستوور بهێته بجهئینان، بهلكو نهڤێت ههرێما كوردستانێ ههبیت، حوكمهتا عیراقێ هێرش كر بۆ لایێ ههولێرێ و پێشمهرگهى شیا لهشكرى بشكێنیت، تلسقوف ژى بزاڤكرن و ههر شكهستن خوار، بهلێ حوكمهتا عیراقێ ژ بهر دفنبلندیا خوه هێزهكا خوه رهوانهى سوپى كر وهك هێزهك پێشوازیێ ل حهشهدا شهعبى بكهت كو سحێلا بگریت و بهر ب براهیم خهلیل ڤه بچیت و پێشمهرگهى هایداركرن كو ئهڤه رێكهفتنا مه دا نینه، لێ حوكمهتا عیراقێ ڤیا ب هێزێ بهێنه دهڤهرێ و پێشمهرگهى بریار دا كو مادهم رێزێ ل بریارا خوه ناگرن و بابهت نه بوو دستوورى دێ بهرهڤانیێ ژ ههرێما كوردستانێ كهن.
عهمید چیایى حهسهن مهحموود هێشتا گۆت: 19 ههیڤا 10 پێشمهرگهى ساتر دروستكرن ل عێن عوێز ههتا دهڤهرا زمار بهر سنۆرێ سووریێ ل مهحموودیێ بهر ئاڤێ هاتین و مه بریار دا ئێدى رێك بۆ چ هێزا ناهێتهدان زێدهتر بچن.
چیایى ئاشكراكر ژى كو هێزا رۆژ وێرێ بوو، هێزا ئێك و سێ و هێزا دو ژى كهفته ساترێ پشتێ و فهرماندا دهۆكێ ل دهستێ چهپێ بوو، 25 ههیڤێ حوكمهتا عیراقێ بریار دا كو دێ ب هێز دهربازبیت و چ رێزگرتنێ نادهته چ رێكهفتنا، ئالایێ عیراقێ ل گهل شۆفێرهكێ تهكسیێ هنارت و گۆتن ئالایێ عیراقێ بلندكهن و یێ خوه دان و رێكێ ڤهكهن دێ هێین، مه رێزگرتن ل ئالایێ عیراقێ گرت و مه بۆ هنارت و مه خواست رێكهفتن بهێته بجهئینان و دهرڤهى رێكهفتنێ نهشێن دهربازبن و ههرێم دێ ههر مینت.
عهمید چیایێ گۆت ژى: كهسێن پشتهڤانیا مه پێشمهرگهى دكر ل ئهوان رۆژان سهركرده وهحید باكۆزى بهرپرسێ لقا شنگال یا پارتى و ئهڤه ئهركێ وى نهبوو وهك ئهركهكێ لهشكرى، بهلكو كارێ وى سیاسهت بوو ههتا 26 ههیڤێ حوكمهتا عیراقێ ل گهل حهشدا شهعبى ل گهل پاسدارێن ئیرانێ هێرشهكا دژوار ئینا سهر ساترێن پێشمهرگهى ل دهمژمێر پێنچ و نیڤى سپێدێ بهرو هێزا ئێك، ئامر هێزا ئێك بهدهل بهندى و موقدهم حاجى كارهیى ئاكر فهوجێ دو هێزا ئێك رۆلهكێ مهزن گێران، زێدهتر 35 تانك و چهكێ گران هێرش كر و ههموو بزاڤكرن ههتا 10 سپێدێ كو بشێت دهربازبیت نهشیا، مه ههموویان هزركر كو ئهو دهرگههێ كوردستانێ یه و ئهگهر حهشدا شهعبى دهربازبوو دێ ئهنفالێن سالا 1988 چ ب سهرێ كوردان ئینا دێ خراپتر ب سهرێ مللهتێ مه هێت لهوما پێشمهرگهى بریارا دا شهرێ مان و نهمانێ بكهت.
عهمید چیایى هێشتا گۆت: پتر ژ 1400 قومبلان ب ههموو جۆران پێشمهركهى وهركرن و ب تنێ ئهو پێشمهرگه نهما ل وێرێ ئهوێ بریندارهكا گران دایى یان شههید بووى ئهڤێن دى سهنگهر بهرنهدان بۆ دوژمنى، پشتى هێرشا ئێكێ شكهستى ئهوا بزاڤكرن دهستێ راستێ هێرشێ بكهنه ڤه و دۆر پێشمهرگهى بزڤرن لێ نهشیان ههر شكهستن، زڤرینه دهستێ چهپێ هێزا تایبهت و فهرماندهیا دهۆكێ بهرگریهكا مهزن كر و لهشكرێ عیراقێ شكهستن ههتا حهفت و نیڤ شهڤێ زانین نهشێن دهربازبن.
عهمید چیایى حهسهن، گۆت: ب دانپیدانا سهركردێن عیراقێ، ههكه هێرش نه راوستیا با دبیت پێشمهرگهى هێرش كربا و دا دهڤهرێ ههموویێ كونترۆل كهت، لێ پێشمهرگهى فهرمانا هێرشێ نهبوو.
ههمان فهرماندێ پێشمهرگهى گۆت: سهركهفتنا پێشمهرگهى ل عێن عوێز سهركهفتهكا مهزن بوو بۆ مللهتێ كورد و ئهڤرۆ ئهنجامێن وێ ئهون ئهڤ دهسكهفتێن دووڤ دا بوومه هاتین ههموو ئهو بوون ئهوێن وى شهرى بۆ مه ئیناین.
جێگرێ فهرماندهیا رۆژ ئهو ژى گۆت: كا چاوا پێشتر خودانێن لیستا (184) كو پارتى دیمۆكراتى كوردستان گهل پێشمهرگهى راوهستیا، رۆژا شهرى ژى ههمان بهرهڤانیكرن، سهركردێ شههید وهحید باكۆزى ل دهڤ من شههید بوو و گهلهك هیڤى من ژێكرن ب بهانا هندێ كو سهركرده یه و مرۆڤهكێ سیاسى یه، پێدڤى ناكهت ل چهپهرێن سینگى بیت و پێشمهرگه ل چهپهرانه و بهرهڤانیێ ژ ئاخا كوردستانێ دكهت، شههید وهحید باكۆزى گهلهك ب تۆرهى گۆت نه لهشكرم ل گهل ته و ئهز مرۆڤهكێ خوه بهخشم و ته چ فهرمان ل سهر من نینه و دو پێشمهرگێن وهحید باكۆزى ژى برینداربوون، لێ وى چهپهر ههر بهرنهدان ههتا شههید بووى.
عهمید چیایى گۆت: خودانێن لیستا (184) ئهوێن پشتهڤانیا مهكرین و نههێلاین خهونێن دوژمنان بهێنه بجهئینان و پشتهڤانیا وان ئهم شیاین سهركهفتنێ بینین، ئهڤرۆ ژى سهركهفتنا ڤێ لیستێ ههلبژارتنان پشتهڤانیهكا مهزنه بۆ پێشمهرگهى كو ل سهرنگهران خوه رابگرین، نهمانا مه ل سهنگهران رامان ئهوه لیستهكا لاواز دێ سهركرداتیێ كهت، مه سهربۆر ل گهل خودانێن لیستا (184) ههیه و پشست راستین دێ بهرهڤانیێ ژڤێ ئاخێ كهن كا چهوا رۆژێن سهخت و دژوار بهرهڤانى كریه، لهوما داخوازا من ژ ههموو پێشمهرگهى و خهلكێ كوردستانێ ئهوه دهنگى بدهنه لیستا(184) یا پارتى دیمۆكراتى كوردستان، لیستا كهرامهت و شهرهف و شههیدان.
بهدهل بهندى، ئێك ژ فهرماندێن پێشمهرگێ كوردستانێ یێن پشكدار ل داستانا عێن عوێز بۆ رۆژناما ئهڤرۆ گۆت: پشتى خیانهتا 16 ئكتوبهرێ گوهۆرین پهیدابوون ل دهڤهرێ و دلێ مه ههموویان هاته شكاندن، پێشمهرگهى ب سهرپهرشتیا سهرۆك بارزانى هندهك پلانێن نوو یێن مهیدانى دانان ب دهمژمێران بهرنامه هاتنه گوهۆرین و سهرۆكى بریار دا هندهك جهێن پێدڤى شهرێ مان و نهمانێ بهێتهكرن، چونكو هایدار بوو كو ئهو سیاسهتا هاتیه دارێتن بهرامبهر مللهتێ كورد نهمانا ههرێما كوردستانێ یه و تایبهت پارتى دیمۆكراتى كوردستان.
بهدهل بهندى گۆت ژى: شهر ل سهر مه هاته سهپاندن و نهچار بووین بهرهڤانیێ ژ ئاخ و كهرمهت و خهلكێ خوه بكهین، دهمێ بهرامبهر راوستاین مه هزر نهدكر ئهڤ كهربووزكینه سولتانێن بهغدا بهرامبهر مللهتێ كورد و تایبهت جهنابێ سهرۆك بارزانى ههیه، پشتى شهڕى دهسپێكرى بوومه دیار بوو نهب تنێ شهڕێ وهلاتهكى بوو ل گهل مه دا بهلكو (ئیران، حزب الله، لهشكهرێ عیراقێ، حهشدا شهعبى)، بریار دابوو ب هێز دهربازبن و بچنه خالا پێشابوورێ، لێ كورێن ڤى مللهتى بریارا مان و نهمانێ دان، نهحنێرا من بوو كو وهك بهدهل بهندى من گۆتى خوه نهچمینن ههر كهسهكێ وێرێ با و دیتبا خورتێن كوردستانێ چاوا بهرامبهر ڤى دوژمنى راوستاینه و گیانێ خوه دكهنه قوربان وى ژى خوه نهچهماند، خوه نهچهماندا مه خوه نههماندنا ئالایێ كوردستانێ بوو و خوهنهچهماندا مه هزر و رێبازا مهلا مستهفایێ بارزانى بوو مه بریارا مان و نهمانێ دا بوومه دیاربوو، ههكه پلانا وان ب سهركهڤیت ئهڤرۆ كه بارودۆخ ب ڤى رهنگى نهما.
بهدهل بهندى گۆت: پشتهڤانیا جهنابێ سهرۆك بارزانى و كورێ وى مهنسور بارزانى و عهزیز وهیسى و بهردهوام جهنابێ سهرۆكى هایدارى كاودانان بوو، كورێ وى مهنسۆر بارزانى ل سهنگهرێن پێشى بوو و ئهڤه پشتهڤانیهكا خورت بوو بۆ پێشمهرگێ كوردستانێ و سێ هێرشێن دژوار ئینانه سهر پێشمهرگهى و ههرسێ هێرشان شكهستن خوار، ل پێشچاڤێن من ل سهنگهران پێشمهرگهى بۆكس ل سینگێن خوه دان و گازیكرنه دوژمنى هوون بۆ ناهێن، (12) شههید(109) بریندار مه پێشمهرگهى وى شهرى دان، داخوازا لێبۆرینێ دكهم ناڤێ ههموویان بیرا من نینه، لێ بهرپرسێ لقا 17 ل شنگال یا پارتى وهحید باكۆزى وى شهرى شههید بوو، عهمهر محهمهد خالد بۆسهلى ژى قارهمانهكێ مهزن بوو و ههمان شهر شههیدبوو.
بهدهل بهندى هێشتا گۆت: ل دووڤ زانیاریێن مه كوشتیێن وى شهڕى 400 بورى بوون و ههمهر و تانك پێشچاڤێن مه هاتنه سۆتن و پتر 1700 ساروخان سهر سهرێ مه باراندن و پێشمهرگهى خوه راگرت.
بهدهل بهندى هێشتا گۆت: پێشمهرگهى هیچ جارهكێ بۆ چ دوژمنان خوه نهچهماندیه و بهرههڤ نین بۆ چ كهسان خوه ب چهمینن، داخوازێ ژ خهلكى دكهم سالێن دوور و درێژ بهرچاڤ وهربگرن ، چونكو چ گونهها ڤێ ئاخێ نینه ئهڤرۆ ئهز و تو ساخ و مه هندهك بۆچوونین جودا ههبن رابین خیانهتێ ل ئاخا كوردستانێ بكهین، كهسێن بهرهڤانى ژ ئاخێ كرین شههیدێن رێبازا مهلا مستهفا و ب رێبهریا جهنابێ سهرۆك بارزانى دهنگێ مه ههموو پێشمهرگێ كوردستانێ بۆ لیستا (184) یا پارتى دیمۆكراتى كوردستانه.
لیوا دیار سوورچى، جێگرێ فهرماندیا دهۆكێ بۆ رۆژناما ئهڤرۆ گۆت: چهكێ پێشمهرگهى بهرامبهر وێ هێزا مهزن یێ مام ناوهند بوو، پێشمهرگهى مۆرالهكا مهزن ههبوو د وى شهرى دا و ههموویان بریارا مان و نهمانێ دا 1700 مۆشهك و هاون هاڤێتن.
لیوا دیار سوورچى گۆتژى: ههموو بزاڤكرن پێنگاڤهكێ بهێن نهشیان بهێن و دهمژمێر شهشى مهغرب رهڤین چوون، ئهگهر مه فهرمان ههبا دشیان ب سهدان لهشكرێ عیراقێ و حهشدا شهعبى ب دهستان گرین، لێ مه فهرمان نهبوو هێرشێ بكهین.
سوورچى ئهو ژى گۆت ژى: داخوازێ ژ خهلكێ كوردستانێ دكهین ئهڤان ههر دو داستانن بینه بهرچاڤێن خوه و ئهو هێزا شیایى لهشكرێ عیراقێ و حهشدا شهعبى و پاسدارێن ئیرانێ بشكێنت دێ شێت ههر دوژمنهكى شكێنت، لهوما پێدڤى یه ههموو رۆژا دهنگدانێ بچنه سهر سندۆقێن دهنگدانێ و دهنگى بدهنه لیستا ههژماره (184) یا پارتى دیمۆكراتى كوردستان، بلا خهلك بزانیت ئهم نهیێن 16 ئكتوبهرینه، بهلكو ئهم قارهمانێن داستانێن عێن عوزێر و پردى نه و 26 ئكتوبهرى نه، مه كوردستان هێلا كوردستان و ئهو مهرهما سهرى دا مه نههێى بهێته بجهئینان و ئهوا گهلهك خهون ههبوون، لێ مه ههموو نههێلان.
