شانەیا رێكخستنا مە سەرا شویشتنا وێنەیێن پێشمەرگەی هاتە ئاشكرا كـرن
سالار محەمەد دۆسكی:
3-6
ئەم نێزیكی شەش كەسان بووین هاتینە رەوانەكرن و ئەوان گۆتن ما كی دبێژیت رۆژێن ژ دایك بوونێن هەوە دشاش بن بەلكو هوون مەزنتربن و گۆت ئەف پشكینە ل سەر كیستێ هەوە دێ هێتەكرن و ئەم هەمی ژ مالا دەرخستینە و كەسەك ژ مە ئێك دینار ژی د دەستی دا نینە وی دەمی ب هاریكاریا بابێ سەلیمی وی دەمی بابێ وی رێڤەبەرێ پولیسان بوو و ئامێدی بوو و ب رێكا ئەفسەرەكی هندەك پارە بۆ هاتبوونە رەوانەكرن و هەستیێن مە هاتنە پشكینكرن و راپورت هاتە نڤێسین و دووف دا بۆ وەزارەتا ساخلەمیێ هاتە بلندكرن، و دوڤدا بۆ ئەمنێ هاتە بلندكرن رێكەفتی 23/5/1983 دووبارە ئەم بۆ دادگەهێ(دادگەها سەورە) هاتینە ڕەوانەكرن، وی دەمی (عواد بەندەر) سەرۆكێ دادگەهێ بوو و سزایێ من هەتا هەتایێ دەركەفت دقانوونا ئیراقێ دا، سزایێ هەتا هەتایێ بیست سال و شەش هەیڤن و دو هەڤالێن من ژی هاتنە سێدارەدان ئێك ژوانا شەهید(سالح زەید) یێ دی( هاشم حسێن)، دوڤدا ئەم هاتینە ڕەوانەكرن بۆ زیندانا ئەبو غورێب ل پشكا (ئەحكامێن تایبەت) هەتا ڤێرێ ژی مالێن مە چ ژ دەنگوباسێن مەنەدزانی، دوڤدا رێك هاتەدان كەس و كارێن مە سەرەدانا مە بكەن، و هەر 15 رۆژا جارەكێ كەس وكاران ماف هەبوو سەرەدانا زیندانیان بكەن، و مە دەنگوباسێن گرتنا خوە و هەبوونا خوە ل زیندانێ ل گەل سەمینێن هندەك زیندانیێن بەری مە ل زیندانێ دا بۆ دایكوبابێن خوە هنارتن و شنی خێزانێن مە هاتن دەف مە.
زیندانیێ سیاسی نەورۆز ئەو ژی گۆت: ژ كاودانێن نەخوشێن هەتا ڤێرە من دیتین یا ژ هەمیێ نەخوشتر دەمێ پێش چاڤێن دایك و بابێن خوە مرۆڤ دهێتە دەستەسەركرن و پێش چاڤا مرۆڤ بهێتە قوتان یا نەخوش و نەشێن چ بكەن، و دیسا ئەوا گۆت مە نەزانی دێ چارەنڤیسێ تە چ بیت و ئەڤە ژ هەمیان نەخوشتر بوو و دیسا دەمێ ئەم هاتینەزیندانیكرن، ماوێ سالەكێ دا چ دەنگۆباس مالا مە ژ مە نەزانین و بتنێ ئەم ژورێن تایبەت دا بووین، وی دەمی ئەم بچوویك بووین وی دەمی هەتا ریهێن مە هاتبوون نەهاتبوون، و دەمێ سەرەدانێن مە هاتین ل هەیڤێن پێنچ و شەش و حەفت، و دوڤدا و سەرەدانا دوڤدا وی دەمی ب كوستەرا دهاتن و سێ چار كوستەر ژ دهۆك دهاتن و نەخوشترین روودان بوومە دروست بوو و رێكەفتی 13/8/1983 ترۆمبێلا كەس و كارێن مە ل دەمێ سەرەدانا مە تووشی روودانەكا هاتن و چوونێ بوو و ئەڤە بۆ ئەگەر (7) كەس گیانێ خوە ژ دەست بدەن، و ئەڤێن دی ژی بگرانی بریندار بوون دناڤ كەسێن گیانێ خوە ژ دەست داین بابێ من بوو و دایك و برایێ من سەفەر ژی بگرانی بریندار بوون و ئەف روودانا هاتن و چوونێ د ناڤبەرا بێجی و بەغدا دا دروست بوو و هەتا نوكە ژی مە نەزانی ئەگەرێ روودانێ چ بوو یان هەوالگێریا ئیراقێ راسپارد ئەو ترۆمبێل تووشی روودانێ ب بیت چونكە دگۆتن ترۆمبێلەكا لەشكری بوو روودان كرربوو، دایكا من گەلەك بگرانی بریندار بوو و برایێ من ئەندازیارە هەتا نوكە ژی نەشێت ترۆمبێلێ ب هاژوت و بابێ ئازاد بوتی مەجید دوێ روودانێ دا گیانێ خوە ژ دەست دا و باب و برا و خالێن شێرزاد زاد گیانێن خوە ژ دەست دا و ئسماعیل فەرمان خەلكێ شاریا ل گەل مە بوو ئەو ژی تەمام بوون و ئسماعیل بابێ محەمەد سەدیقی ئەوژی گیانێ خوە ژ دەست دا، و پشتی بورینا 15 رۆژا دووبارە سەرەدانێن زیندانێ هاتنیكرن ئەڤێن بابێن مە دروودانێ دا وەغەركرین كەسەكێ چ دەنگوباسێن روودانێ نە گۆتنە مە، و دوڤدا مە پرسیاركر و سێ جارا من بخوە رژدی ل سەر نەهاتنا دایك و بابێن خوە كر بۆچی سەرەدانا مە ناكەن ل زیندانێ و پشتی روودانێ سەرەدانا سیێ یان چارێ بوو و دەمێ هەمی پێكڤە دەركەفتین و مەهەمیان پێكڤە پرسیار كر بۆچی فلان كەس یان بۆچی فلان ناهێت و سێ چار كەسێن ب تەەن ل دەف مە ل زیندانێ و پشتی سەرەدان چووین ئەم گازی كرین و ل هولا زیندانێ بابەت بوومە شرۆڤەكر كو روودانەكا هاتن و چوونێ دروست بوویە و بابێن مە گیانێ خوە ژ دەست داینە و هەتا زیندانیان ل زیندانێ تازی بوومەدانا و ئەڤە پشتی رازیبوونا كارگێریا ئەمنێ هاتیە وەرگرتن كو زیندانی سەرەدانا مە بكەن، و سەرخوشیێ ل مە بكەن، و دەلیڤە ب مەهاتەدان و ئەف روودانە ل دەمێ زڤرینێ بۆ دهۆكێ دروست ب بوو و ئەو دووماهی جار بوو بابێ خوە ب بینم و دایكا من ژی پشتی وێ روودانێ ب سالەكێ نەشیا سەرەدانا من بكەت ل زیندانێ و ملێ وێ شكەست بوو و باوەری ژی بوومن چ نەبوو كو یا ساخە و هەردەم من گۆتە سەرەدانێ، خوە دایكا من وەغەركریە و هوون ل من ڤەشێرن و ل دووماهیێ ب زووری ئینا زیندانێ دا دایكا خوە بینم و گۆتن راستە یا ساخە و سەفەرێ برایێ من ژی بچووكتر بوو و دەمێ هەر دوو دووبارە ئیناینە سەرەدانێ شنی باوەری بوومن دروست بووك و دساخن و دماودێ زیندانا من نێزیكی حەفت سالان بوون بەلێ من تەمام نەكرن.
هەمان زیندانیێ سیاسی ئەو ژی گۆت: ل سالا 1983 دەمێ جەلال تەلەبانی خوە رادەستی حوكمەتێ كری و هەتا هندەكێن دهۆكێ ئێك ژوانا بابێن (سالح و هاشمی) بوون ئەڤێن هاتینە سێدارەدان چوونە دەف جەلال تەلەبانی و گۆتێ بزاڤەكێ بكە تویێ دانوستاندنا دا ل گەل حوكمەتێ بەلكو لێبورینەكێ دەربكەت، وی دەمی مام جەلال بتنێ 13 كەس ژ لایەنگرێن خوە ئازادكرن و كەسەك نە ژ پارتی و شوعی و شۆشالست و پاسۆك و كەسەك ژ ئەڤان نەهاتە ئازادكرن، ل سالا 1986 لێبورینەكا دی هاتەدەركرن و كومەكا دی هاتنە ئازادكرن وی دەمی ژی یاریكەرێ ئاسنی بووم و ژ یاریكەرێن باشێن ئیراقێ بووم و ئەو چار پێنچ سال بوو یاریا لەش جوانیێ ل زیندانێ دا من دكر.