پارێ نوویێ داعشێ ل پارێزگه‌ها ئه‌نبار ده‌ركه‌فت
ئه‌ڤرۆ نیۆز:
خه‌لكێ پارێزگه‌ها ئه‌نبار دبێژن چه‌كدارێن داعشێ داخواز ژوان كریه ل باژێركێ ره‌تبه كو دكه‌ڤیته رۆژئاڤایا ئه‌نبارێ بتنێ ڤى جورێ پاره‌ى بكاربینن.
هه‌روه‌سا خه‌لكێ ره‌تبه راگه‌هاندن، چه‌كدارێن داعشێ ئه‌و ئاگه‌هدار كرینه هه‌ر كه‌سه‌كێ سه‌رپێچیا فه‌رمانێن وانا بكه‌ت دێ ب توندى هێته سزادان و دڤێت هه‌موو ئه‌و پارێن دده‌ستێن واندا ژبلێ پاره‌یێ نوو یێ داعشێ راده‌ستى چه‌كدارێن داعشێ بهێته‌كرن.
هه‌روه‌سا چه‌كدراێن داعشێ پاره‌كێ مه‌عده‌نى ژى چێكریه و ناڤێ دینارا ده‌وله‌تا ئیسلامى ل سه‌ر دانایه، ب مه‌ره‌ما ڤه‌كێشانا هه‌موو پارێن دده‌ستێن خه‌لكى دا ئه‌وێن ئاكنجى ل وان ده‌ڤه‌رێن ژێر كونترۆلا وانا و جاره‌كا دى ڤه‌كه‌رن بۆ چاخێن به‌رێ.
ل گۆر دیتنا شاره‌زایان چه‌كدراێن داعشێ ب ڤى ره‌نگى دێ ملایین دۆلاران ب بێى به‌رانبه‌رى و ب هه‌روه‌ى ژناڤ ده‌ستێن خه‌لكى ئیننه ده‌ر، به‌رانبه‌رى پاره‌كێ بێ بها و دانپێدان نه‌كرى دناڤ جڤاكێ نێڤده‌ولى دا و چوو داپوشیێن قانوونى ژى بۆ نینه، كو ئه‌ڤه ژى دبیته پلانه‌ك بۆ ژناڤبرنا ئابۆرێ وان ده‌ڤه‌رێن دكه‌ڤنه بن كونترۆلا داعشێ ل گۆڕ پلانه‌كا رێكخستى.