كوڕێن ئه‌لغه‌رواى فه‌زائیێن وه‌زاره‌تێنه و پاداشتێن وان 7 ملیۆنان بوون
ئه‌ڤرۆ نیۆز:
رۆژناما ئه‌لدستۆر یا عیراقى به‌لاڤكر، ل گۆڕ پێزانینێن هه‌والگیرى سه‌باره‌ت دووماهى ئاشكراكرنا له‌شكرێ(فه‌زائى) بندیوار دناڤ تۆمارێن وه‌زاره‌تا ناڤخوه‌یا عیراقێ دا، دوپاتكر هه‌ردو كوڕین فه‌ریق روكن یێ به‌رێ مه‌هدى ئه‌لغه‌راوى فه‌ماندێ فه‌رمانده‌یا ئوپراسیۆنا مووسل دناڤ لیستێن له‌شكرێ فه‌زائیدا بوون، كو هه‌ردو مووچه‌ى بێى به‌رانبه‌ر وه‌ردگرن.
رۆژناڤا ناڤبرى د ژمارێن به‌رى چه‌ند رۆژاندا به‌لاڤكریه، ژ زار ده‌ڤێ به‌رپرسه‌كێ پله‌دارێ وه‌زاره‌تا ناڤخوه به‌لێ نه‌ڤیایه ناڤێ وێ بهێته ئاشكرن گۆتیه: ئه‌و لیژنێن دووڤچونێ ل گۆڕ سه‌ركردێ گشتیێ له‌شكرێ عیراقێ حه‌یده‌ر عه‌بادى هاتینه راسپاردن ئاشكرا كریه كو 750 هه‌زار ناڤێن له‌شكرێ فه‌زائى د تۆمارێن وه‌زاره‌تا ناڤبرى دا هه‌نه، كو مووچێ هه‌یڤا بۆرى ب شێوه‌كى هاتیه به‌لاڤكرن كو هه‌ر كه‌سه‌ك ل وه‌زاره‌تێ ژ ئه‌فسه‌ر و پێدا ب باجا خوه‌یا تایبه‌ت و فه‌رمى بهێته مووچه‌ى وه‌ربگریت، كو ئه‌ڤ ژمارا مه‌زن هاتیه ئاشكراكرن.
رۆژناما ناڤبرى هه‌روه‌سا دوپاتكر، كو هه‌ردو كوڕێن مه‌هدى ئه‌لغه‌راوى (یاسر) ب پلا رائید و (ئیهاب) ب پلا جیدارێ ئێكێ هاتینه دامه‌زارندن و ژیێ وانا ناگه‌هیته 24 سالان هه‌ر وه‌كى د به‌یاننامێن واندا هاتینه دیاركرن ل وه‌زاره‌تا ناڤخوه، زێده‌بارى پاداشتێن وان یێن هه‌یڤانه كو دگه‌هشتنه 7 ملیۆن و 500 هه‌زار دیناران بۆ هه‌ر ئێك ژوان.