شاره‌زایه‌كێ تورك: ئه‌ردۆگان دێ عه‌بدوللا ئۆ جه‌لانى ئازاد كه‌ت
ئه‌ڤرۆنیۆز:
شاره‌زایێ تورك د كاروبارێن ئێمناهى و رێكخراروێن تیرۆرى دا ئامره ئۆسلۆى ئاشكراكر، حوكمه‌تا سه‌رۆكێ توركى ره‌جه‌ب ته‌یب ئه‌ردۆگان دێ سه‌ركردێ كورد عه‌بدوللا ئۆجه‌لان كو به‌رى نها ل زیندانا ئێمه‌رلى هاتیه زیندانكرن بۆ هه‌تا هه‌تایێ دێ ئازاد كه‌ت، هه‌ڤده‌م گۆت: حوكمه‌تێ سۆز دایه ئۆجه‌لان ئه‌و دى ئازاد كه‌ن، له‌ورا ئه‌م دبینین ده‌ستهه‌لاتا حوكمه‌تێ هه‌ر ده‌لیڤه‌كا هه‌بیت بۆ بجهئینانا وێ سۆزێ و پلانا خوه بكاردئینیت.
ب ڤێ گۆتنێ ڤه‌كۆله‌رێ بنگه‌هێ دیموكراتى و په‌یوه‌ندیێن نێڤده‌ولى ل زانكۆیا فرجینیا یا ئه‌مریكى، و ئێك ژ ده‌سته‌یا رۆژناما (ته‌ره‌ف) یا توركى د به‌رنامه‌كى دا ل سه‌ر كه‌نالێ (سامانیۆلو) یێ ئه‌سمانى بۆمبه‌كا نوو په‌قاند، سه‌باره‌ت ئاشتیا ناڤخوه‌یا توركیا كو ژ ئالیێ حوكمه‌تا پارتا داد و گه‌شه‌پێدانێ و پارتا كرێكارێن كوردستانێ ڤه هاتیه دانان ب ئارمانجا نه‌هێلانا تیرۆرێ.
ئامره ئۆسلۆ ى گۆت: سه‌ركردێ كورد ئۆجه‌لان پلانا نه‌خشه رێیا ئاشتیا ناڤخوه‌ى دانایه و راده‌ستى شاندێ پارتا دیموكراتیا ملله‌تان (BDP) كریه بۆ هندێ به‌رچاڤى حوكمه‌تا توركیا بكه‌ن ب مه‌ره‌ما گرنتیا قانوونى ل دۆر ره‌وشا نها ل ده‌ڤه‌رێ.