قاسم سلێمانى:موقته‌دا سه‌در به‌رازێ سعوديێ يه
ئه‌ڤرۆنيوز:
چه‌ند ژێده‌رێن عيراقى رادگه‌هينن كو فه‌رماندێ له‌شكرێ قودس يێ ئيرانى، فه‌رمانا كوشتنا سه‌ركرده‌كێ بلند يێ عيراقێ ده‌ركريه.
ل دووڤ هنده‌ك ژێده‌رێن ده‌نگوباسان يێن عيراقى، لايه‌نگر وئه‌ندامێن له‌شكرێ مه‌هدى كو دبن رێنمايێن موقته‌دا سه‌در رێبه‌رێ ره‌وتێ سه‌درى نه، گه‌فێن وێ چه‌ندێ كرينه هه‌كه هه‌ر زيانه‌ك بگه‌هيته سه‌در،ئه‌و دێ بيڤه‌له‌رزان دبن پێيێن كرێگرتيێن ئيرانێ ل عيراقێ دروست كه‌ن ول هه‌موو جهان دێ شه‌رى دژى ئيرانێ راگه‌هينن.
ئه‌و ژێده‌ر به‌حس ل وێ چه‌ندێ دكه‌ن كو ره‌وشا ل باژێرێ نه‌جه‌ف يێ به‌ر ب خرابيێ ڤه دچيت ولايه‌نگرێن موقته‌دا سه‌در خوه بۆ هه‌ر روو ب رووبوونه‌كێ به‌رهه‌ڤكريه.
ديار دكه‌ن ژى كو قاسم سلێمانى فه‌رماندێ له‌شكرێ قودس يێ ئيرانى، كو باله‌كێ له‌شكرێ پاسدارێن ئيرانێ يه، موقته‌دا سه‌در ب (به‌رازێ سعوديێ) ناڤكريه وئه‌و چه‌نده ژى ژلايێ لايه‌نگرين موقته‌دا سه‌در ڤه وه‌كو فه‌رمانا كوشتنێ شرۆڤه‌كريه.
هنده‌ك ژ وان ژێده‌ران خوياكريه كو موقته‌دا سه‌در فه‌توايا خوارنا رۆژيێ دايه هه‌كه ره‌وش بگه‌هيته ئاستێ شه‌رى