ئه‌مبۆلانسه‌ك وه‌رگه‌ريا
ئه‌ڤرۆ نيوز، فاتما مزوورى:
ئه‌مبۆلانسه‌كا نه‌خۆشخانا ئاشتى يا قه‌زا سۆران ل ده‌مێ ڤه‌گوهاستنا نه‌خوه‌شه‌كى ل قه‌زا سۆران ژبۆ نه‌خوه‌شخانا رۆژئاڤا يا هه‌ولێر د ناڤا باژێرێ هه‌ولێرێ دا تووشى روودانه‌كا هاتنوچوونێ بوو و ژ ئه‌گه‌رێ وێ چه‌ندێ ژى شوفێرێ ئه‌مبۆلانسێ و كارمه‌نده‌كێ دى يێ نه‌خوه‌شخانێ د بريندارن.
ب گۆره‌ى داخۆيانيا نه‌خۆشخانا ئاشتى يا سۆران، پشتى كو ب فه‌رمى ژ لايێ نوشدارى ڤه بڕيار هاتبوو دان ژبۆ ڤه‌گوهاستنا نه‌خوه‌شه‌كى بۆ چاره‌سه‌ريێ ل قه‌زا سۆران ژبۆ نه‌خوه‌شخانا رۆژئاڤا يا باژێرێ هه‌ولێر.
ئه‌ڤى ژێده‌رى ئاشكه‌را ژى كر كو ئه‌مبۆلانسا نه‌خوه‌شخانێ تووشى روودانه‌كا هاتنوچوونێ بوويه و ژ ئه‌گه‌رێ ڤێ چه‌ندێ ژى شوفێره‌ك و هاريكاره‌كێ نوشدارى بريندار بووينه.
نه‌ڤه‌شارت ژى كو ژ ئه‌گه‌رێ نه‌بوونا نه‌خوه‌شخانه‌كا مه‌زنا هاوارهاتنێ ل ده‌ڤه‌را سۆران ئه‌و د نه‌چارن نه‌خوه‌شێن خوه بۆ چاره‌سه‌ريێ ره‌وانه‌ى هه‌ولێرێ بكه‌ن.