رۆژا چارشه‌مبى هاتبوو دياركرن بۆ ده‌ستپێكرنا هژمارتنا ده‌نگێن هه‌لبژارتنان
ئه‌ڤرۆنيوز:
رۆژنامه‌كا عه‌ره‌بى به‌لاڤكر كو ده‌ستهه‌لاتا دادوه‌رى ل عيراقێ، هژماره‌كا دادوه‌رێن عيراقى ل باژێرێن عيراقێ داخوازكرينه بۆ ئه‌نجامدانا دانوستاندنێ ل سه‌ر وه‌رگرتنا پۆستێن سه‌رۆكێن لقێن كۆمسيۆنا هه‌لبژارتنان ل پارێزگه‌هێن عيراقێ ول رۆژێن چار شه‌مبى وپێنجشه‌مبى ل ڤێ حه‌فتيێ دێ ده‌ست ب پرۆسا هژمارتنا ده‌نگان ب ده‌ستى هێته كرن.
رۆژناما (العربي الجديد) دراپۆرته‌كا خوه دا به‌لاڤكر” زێده‌تر ژ 10 هزار كارمه‌ندێن كۆمسيۆنێ بۆ كاركرنێ ل ناڤه‌ندێن كۆمسيۆنێ هاتينه ڤه‌گه‌راندن بۆ وێ چه‌ندێ پشكدار بن دهژمارتنا ده‌نگان دا ب ده‌ست كو زێده‌تر ژ 10 مليۆن ده‌نگده‌رێن عيراقى ده‌نگ دايه، لژنه‌كا بلند يا ده‌ستهه‌لاتا دادوه‌رى دێ سه‌رپه‌رشتيا وێ پرۆسێ كه‌ت ول بن چاڤدێريا توند يا ئێمناهيێ دا ل ناڤه‌ندا سه‌ره‌كى يا كۆمسيۆنێ ل به‌غدا”.
دياركر ژى” ئه‌و كارمه‌ندێن ب شێوێ (تنسيب) بۆ ده‌مه‌كێ به‌روه‌خت دێ ده‌واما وان بۆ ده‌ستهه‌لاتا دادوه‌رى وچاڤدێريا دارايى وده‌سته‌يا ده‌ستپاكيێ وزانكۆيێن باژێرێ به‌غدا ووه‌زاره‌تا په‌روه‌ردێ بۆ كۆمسيۆنێ هێته ڤه‌گوهاستن ودێ پشكداريێ د پرۆسا هژمارتنا ده‌نگان ب ده‌ست دا كه‌ن.
دپرۆسا هژمارتنا ده‌نگان دا نوونه‌رين قه‌وارێن سياسى ورێكخراوێن نێڤده‌وله‌تى ونه‌ته‌وێن ئێكگرتى وه‌كو چاڤدێر دێ پشكداربن، ده‌ستهه‌لاتا دادوه‌رى ل عيراقێ راگه‌هانديه كو ئه‌و پرۆسه دێ بۆ ده‌مێ هه‌فتيه‌كێ هه‌تا 10 رۆژان به‌رده‌وام بيت.
پشتى نيڤرۆيا ئه‌ڤرۆ ئێكشه‌مبى 10/6/2018 ئاگر به‌ربوو عه‌مباره‌كا كۆمسيۆنێ ل به‌غدا كو ئاكيرێن ئه‌لكترۆنى وسندووقێن ده‌نگدانێ تێدا بوون.