ل باژێرێ مه هه‌میان دڤێت بزانن دا باخڤن
مرۆڤ نه‌شێت بێژیت كێ وه‌گۆت، چونكو هه‌می دبێژن، هه‌می دبینین، یێ نه‌بینیت ژی زانیت، مه نه‌زان نینن، هه‌می شاره‌زانه، هه‌ر به‌حسه‌كێ بێته كرن سه‌ر و سه‌ر تێدانه، چونكو هزر دكه‌ن هه‌كه نه‌زانی عه‌یبه، دڤێت هه‌می تشتان بزانیت دا خه‌لك ژ وی بزانن، زانینا وێژی تێرا وی ناكه‌ت، چونكو ئه‌و بخو نه‌شیایه مفای ژ زانینا خوه وه‌ربگریت د ژیانا خوه دا. دێ مینیت چ، ده‌م بوراندن و به‌لاڤكرنا نهێنیان ده‌مێ خوه ژی و یێ ده‌وروبه‌رێن خوه ژی ب هه‌ده‌ر ببه‌ت، پێله بلا ڤێ جارێ ته چ بۆچوون نه‌بن، خلاس، یا سیند خاری باخڤیت راست و دروستیا ئاخفتنێ نه گرنگه، گرنگ ئه‌وه ئاخفت، كارتێكرن چ بیت نه‌بیت هزر تێدا ناكه‌ت. هه‌می یێن بووینه شرڤه‌كار، مه ژ مێزگه‌رد و ده‌نگوباسان به‌س نینه، مالێن مه‌ژی بووینه ژۆرا عه‌مه‌لیاتان ژ بۆ پلاندانانێن جه‌نگی چونكو ئه‌وێ نه‌شیایه خوه، ئاخفت. چێدبیت تا راده‌كی خه‌لك ژی یێ دروست بیت، چونكو هه‌می سه‌عه‌ت سفرا شه‌ڕی دزانن، تنێ یا مای ته‌له‌فوونا دوژمنی بكه‌ن كا هوون حازرن مه ئینیه‌ته سوباهی سپێدێ سه‌عه‌ت پێنج هجومێ بكه‌ین. ملله‌ت ژی ل مال ل گه‌ل مێهڤانان د روونن و دانانا پلانا سه‌ربازی دبیته شه‌ڤبێریێن مالێن مه. مه گه‌له‌ك كێماسی هه‌نه لێ ئه‌ڤه نه كێماسیه ئه‌ڤه نه‌ساخیه و خیانه‌تا نه راسته‌وخوه‌یه، چونكو هه‌كه ئه‌و به‌رپرسێ د كۆمبوونێ دا نه‌بێژیته مالا خوه و مالا وی نه‌بێژیته جیرانان و هه‌تا و تا دگه‌هیته دۆژمنی، دێ ب چ رێك هه‌می بازار زانیت. مه‌زن ژ كه‌ڤندا دبێژن ئه‌زمانێ درێژ داركۆكێ سه‌رێ خودانییه.
