ناڤێن ماموستایێن گرێبه‌ست ل په‌روه‌ردا ئامێدیێ هاتنه راگه‌هاندن
ئه‌ڤرۆ نیوز،زنار توڤى:
په‌روه‌ر عه‌بدولخالق به‌رپرسێ خویه‌تى و میلاكا ل په‌روه‌ردا قه‌زا ئامێدیێ تایبه‌ت بو ئه‌ڤرۆ نیۆز راگه‌هاند، ئه‌ڤرۆ روژا پێنجشه‌مبى 11/12/2014 ناڤێن ماموستایێن گریبه‌ست ل په‌روه‌ردا قه‌زا ئامێدیێ هاتنه راگه‌هاندن بو سالا خواندنێ(2014_2015)،كو 160 پله لدویف بسپوریان هاتبوونه ته‌رخانكرن بو په‌روه‌ردا قه‌زا ئامێدیێ،ژوانا 97 پله هاتینه راگه‌هاندن و 63 پله ماینه نه‌هاتینه وه‌رگرتن،ژبه‌ر نه‌بونا بسپوریێن وان پله‌یان،ناڤهاتى گوتژى:ده‌رباره‌ى ده‌رچوویێن ئادابێ و زانستان مه فورمه لسه‌ر به‌لاڤكرینه و ل هیڤیا ره‌زامه‌ندیا وه‌زاره‌تا په‌روه‌ردا حكومه‌تا هه‌رێمێ نه،هه‌ر ده‌مێ ره‌زامه‌ندى هات،ئه‌و ژى دێ ب گرێبه‌ست هێنه دامه‌زراندن،هه‌روه‌سا دیاركر ژى:ئه‌وێن ناڤێ خوه پێشكێش كرین و ناڤێ وان نه‌ده‌ركه‌فتین،د ماوێ سێ روژاندا مافێ هه‌ى فورما نه‌رازیبوونێ پێشكێش بكه‌ن،تاكو روژا دووشه‌مبى و پشتى هنگێ مافێ نه‌رازیبوونێ نامینیت.
