حوكمه‌تا ئه‌لمانیا ل سه‌ر مه‌شقكرنا پێشمه‌رگه‌ى یا رژده
ئه‌ڤرۆ نیۆز:
رۆژناما بێلد یا ئه‌لمانى راگه‌هاند، حوكمه‌تا ئه‌لمانیا بۆ به‌رفره‌هركنا مه‌شق و راهێنانێن پێشمه‌رگه‌ى و پشته‌ڤانیا كوردان ل عیراقێ یا رژده، و بزاڤان دكه‌ت بۆ ب ده‌ستڤه‌ئینانا رازیبوونا په‌رله‌مانێ ئه‌لمانى ل دۆر پڕچككرنا پێشمه‌رگه‌ى ب چه‌ككێ گران و پێشكه‌فتى.
رۆژناما بێلد د ژمارا رۆژا پێنچشه‌مبى دا دیاركر، ل به‌ر پتر ژ 100 له‌شكرێن ئه‌لمانى بۆ كارێ مه‌شق وراهێنانێن هێزێن پێشمه‌رگه‌ى بو روو بروو بوونا داعشێ به‌ر ب هه‌رێما كوردستانێ ب رێكه‌ڤن، رۆژناما ناڤبر پشتبه‌ستنا خوه ل سه‌ر پرۆه قانوونه‌كێ دكه‌ت كو راده‌ستى په‌رله‌مانێ ئه‌لمانى هاتیه كرن.
هه‌ر د هه‌مان بیاڤ دا مالپه‌رێ (شبیگل ئۆنلاین) یێ ده‌نگۆباسان، گوتیه پلان ژ بۆ هنارتنا پتر ژ 100 له‌شكرى ئه‌لمانى بۆ هه‌رێما كوردستانێ ل ده‌سپێكا سالا 2015.
هه‌روه‌سا دیاركرن كو كارێ وى له‌شكرێ ئه‌لمانى دێ مه‌شقكرنا پێشمه‌رگه‌ى ل سه‌ر چه‌وانیا ژناڤبرنا مینان زێده‌بارى ده‌زگه‌هێن لێگه‌ریان مینان ئانكو ئه‌ندازه‌یا له‌شكرى بیت.
ل گۆڕ راپۆرتێن رۆژنامه‌ڤانى، وه‌زیرا به‌ره‌ڤانیا ئه‌لمانى ( ئۆرزولا فۆن دێر لاین) و وه‌زیرێ ده‌رڤه‌یێ ئه‌لمانى فرانك ڤالته‌ر شتاینمایر و وزیرێ ناڤخوه‌یا ئه‌لمانى تۆماس دى میزیر و وه‌زیرێ دادیێ هایكو ماس كوبموونه‌ك گرێدان ل سه‌ر گه‌نگه‌شه‌كرنا هه‌مان بابه‌تێ به‌رفه‌رهكرنا مه‌شق و راهێنان و پڕ چه‌ككرنا پێشمه‌رگه‌ى كرن.