توركیا دست ب كڕینا په‌ترولا عیراقێ و هه‌رێما كوردستانێ كر
ئه‌ڤرۆ نیۆز:
وه‌زیرێ وزه‌یا توركى تانه‌ر یه‌لدز گۆت: كۆڤپانیا پڤاڤارتنا په‌ترۆلا توركى ده‌ست بكڕینا كاروانێن په‌ترۆلا عیراقێ و هه‌رێما كوردستانێ كر. دكونگره‌كێ رۆژنامه‌ڤانى دا تانه‌ر یه‌لدز راگه‌هاند، كاروانێن په‌ترۆلا عیراقێ و هه‌رێما كوردستانێ دێ بۆ توركیا هێنه ره‌وانه‌كرن، ئه‌و پێنگاڤ پشتى رێككه‌فتنا دووماهیێ یا حوكمه‌تا فیدرالا عیراقێ و هه‌رێما كوردستانێ ل دۆر هنارتنا په‌ترۆلێ و داهاتێ وى و بودجا عیراقێ هاتیه كرن.
هه‌ر ل گۆڕ وێ رێككه‌فتنێ كو لبه‌ر هنارتنا وێ په‌ترۆلێ ل كانوونا دوێ ب 300 هه‌زار به‌رمیلێن رۆژانه ژ پارێزگه‌ها كه‌ركووكێ ب رێیا بوریێن هه‌رێما كوردستانێ و 250 هه‌زار برمیلێن كێله‌گه‌ها هه‌رێمێ بهێنه هنارتن.
پشتى وێ رێككه‌فتنێ 150 هه‌زار به‌رمیلێن په‌ترۆلا كه‌ركووكێ رۆژانه بۆ توركیا ب رێیا بۆریێن هه‌رێما كوردستانێ دهێنه هنارتن.