رۆژنامهكا ئهلمانى: پشتى كودهتايا شكهستخوارى 300 دبلۆماتكارێن توركى رهڤينه ئهلمانيا
ئهڤرۆ نيوز، فاتما مزوورى:
ههڤدهم تهڤی برێڤهچوونا ههلبژارتنێن سهرۆك كۆماریا توركیا رۆژنامهیهكا ئهڵمانی د راپۆرتهكێ دا بهلاڤ كریه كو پشتی كودهتایا شكست خواری یا تركیێ، تركیا ل ساڵا 2016 حهیا نها نێزی 300 دیپلۆماتكارێن وی وهلاتی داخوازا پهنابهرتیێ ل ئهڵمانیا كریه.
ههروهها ئاژانسا رویتهرز د راپۆرهكه پارڤه كری ده سهرباری ئاماژه كرن ب ئامارێن وهزارهتا ناڤخوه یا ئهڵمانیا راگههاندیه: هزار و 177 وهڵاتی یێن تركیێ كو ژ پله بلند و دیپلۆماتكارێن تركیێ پێك تێن تهڤی مال و خیزانێن خوه داخوازا پهنابهریێ ل وهڵاتێ ئهڵمانیا كریه. یا دیار حهیا نها وهزارهتا ناڤخوه یا ئهڵمانیایێ توو روهن كرن نهداینه.
پشتی كودهتایا شكست خواریا توركیی رهجهب تهیب ئهردوگان حالهتێن ههوارته ل سهرتاسهرێ تركیێ راگههاند. ئهڤه و یا د وێ پهیوهندیێ ده تهنێ ل ئهنقهره یا پایتهختێ تركیی بێتری 40 ههزار كهسان دهستهسهر كرن.
ههروهها بێتری 100 هزار ئهفسهر و سهربازێن ل سوپایێ وهلاتێ خوه دهستهسهر كرن و ژ كار دهرێخستن.
