گۆرێ مارگرێت جۆرج هاته نوژه‌نكرن
ئه‌ڤرۆ نیوز ، نه‌وزاد هلۆرى:
ئه‌ڤرۆ د رێورسمه‌كێ ژ هه‌ژى دا ب به‌هه‌ڤبوونا سكرتاریه‌تا ئافره‌تێن كوردستانێ و شاندنێ لقێ 18ێ پارتى وهژماره‌كا كه‌سوكار و خه‌لكێ ده‌ڤه‌رێ ، تاجه گولینه ب هه‌لكه‌فتا نووژه‌نكرنا گۆرێ مارگرێت جۆرج ئێكه‌م پێشمه‌گا ژن و ئێكه‌م شه‌هیدا ژن د شۆره‌شا ئیلونێ دا هاتنه دانان.
ڤیان سلێمان، سكرتێرا ئافره‌تێن كوردستانێ ل گه‌ل هژماره‌كا زۆر یا ئافره‌تان و نوونه‌راتیا لقێ 18ێ پارتى و كه‌سوكار و خێزانا پێشمه‌رگا ژن مارگرێت جۆرج و هژماره‌كا زۆر یا ژن و خه‌لكێ ده‌ڤه‌رێ تاجه گولینه ل سه‌ر گۆرێ وێ ل گوندێ دوورێ ل ده‌ڤه‌را به‌روارى بالا هاته دانان پشتى كو هاتیه نووژه‌نكرن.
دهێته زانین كو مارگرێت ئێكبوویه ژ ژنێن كریستیان ل ده‌ڤه‌را به‌روارى بالا كو ب ئێكه‌مین پێشمه‌رگا ژن دهێته نياسين كو رۆله‌كێ به‌رچاڤ د ناڤ پێشمه‌رگێن قاره‌مان دا هه‌بوویه د بزاڤا رزگاریخوازیا كوردستانێ هه‌تاكو شه‌هید دبیت.
ل چه‌ند رۆژێن بۆرى ژى تیمه‌كا هونه‌رى رابوون ب چێكرنا كلیپه‌كا نوو ل سه‌ر ژیان و خه‌باتا مارگرێتێ و دهێته چاڤه‌رێكرن كو دده‌مه‌كێ نێزیك دا ئه‌و كلیپ بهێته به‌لاڤكرن.