رێکا بەرازیل بۆ یاریا دوماھیێ یا پرە ژ ئاستەنگا
ئەڤرۆ نیوز:
پشتی ب دوماھی ھاتنا یاریێن کومان چاڤەرێ دھێتە کرن سوبەھی دەست ب یاریێن قوناغا شازدێ بھێنە کرن د ڤێ قوناغێ دا ھەلبژارتیێ بەرازیل دێ گەلەک ئاستەنگ کەڤنە رێکا وێ دا ھەتا ئەگەر گەھشتە یاریا دوماھیا موندیالا روسیا.
د ڤێ قوناغێ دا ھەلبژارتیێ بەرازیل ل روژا دوشەمبی دێ یاریا خوە ھەمبەر ھەلبژارتیێ مەکسیک کەت ئەگەر ھات بەرازیل شیا سەرکەفتنێ د ڤێ یاریێ دا توماربکەت ل قوناغا دیف دا دێ لگەل سەرکەفتیێ یاریا بەلچیکا و ژاپون کەت دبیت ھەتا رادەیەکی بەرازیل دێ ھەمبەر بەلچیکا کەت ژبەرکو ھوسا دھێتە چاڤەرێ کرن بەلچیکا سەرکەفتنێ لسەر ژاپونێ تومار بکەت و ئەگەر ئەڤ چەندە رویدا دێ یاریەکا بھێز و ب زەحمەت بۆ ھەلبژارتیێ بەرازیل پەیدابیت ژبەرکو نوکە باشترین تیم بەلچیکا یە ئەگەر ھات و بەرازیل شیا خوە ژ دەستێ بەلچیکا ژی قورتال کر ل قوناغا پێش دوماھیێ دبیت بەرازیل بکەڤیتە ھەمبەر سەرکەفتیێ یاریا ئەرژەنتین یان فرەنسا یان پرتوگال یا ئوروگوای کو دێ بیتە مەزنترین ئاستەنگ بەری بەرازیل ب گەھیتە یاریا دوماھیێ.