بزاڤ دهێنە كرن هەرێما كوردستانێ قارەمانییا نێڤدەولەتی مێڤان بكەت
ل دووڤ ژێدەرێن تایبەت بۆ رۆژنامەیا ئەڤرۆ دیاركریە بزاڤێن ڕژد هاتینە كرن كو قارەمانییا بۆكسانێ یا WBC یا نێڤدەولەتی بینە كوردستانێ پشتی فدراسیۆنا جیهانی یا ڤێ یاریێ ڕازیبوونا سەرەتاهیی وەرگرتی.
هەمان ژێدەری ئەوچەندە ژی دیار كر كو بڕێیا قارەمانێ جیهانی یێ كوردستانی بادین حەسۆی ڕێڤەبەرییا گشتی یا وەرزشی ل هەرێما كوردستانێ نڤێسارەكا فەرمی ئاراستەیی ئەنجوومەنێ فدراسیۆنا جیهانی یا یارییا بۆكسانێ WBC كریە كو قارەمانییا بهێت ل سەر ئاستێ جیهانی ب هەولێرا پایتەخت بهێتە كرن و دێ پشتەڤانییا وان ژی كەن، ئەڤ نڤێسارە بوویە جهێ دلخوەشییا فدراسیۆنا ناڤهاتی و ڕأزیبوونا سەرەتاهیی وەرگرینە.
هەروەسان دیاركر دێ لژنەیەكا تایبەت هێتە پێكئینان پشتی ژڤانەك بۆ دهێتە دیاركرن و دێ هێنە كوردستانێ ژبۆ دۆڤچوونا ژێرخانەیا وەرزشی و ئەو هۆلا یاری دهێنە كرن و سەقا و كاودانێن دەڤەری دووڤدا دێ ب فەرمی بابەتێ كرنا قارەمانیێ یان ڕەدكرنێ هێتە دیاركرن.
بۆ زانین بادین حەسۆ زۆزانی یێ ناڤدار ب شێرێ كوردان كوڕێ باژێرێ شارییا ستیرێ كوردستانی یە شیاییە ببیتە ئێك ژ قارەمانێن ڤێ یاریێ و چەندین ناسناڤ دەسڤە ئیناینە و وەكو نوونەرێ كوردستانێ پشكدارە د هەرقارەمانیەكێ دا و هەڤكارێ سەرەكیە بۆ گەهاندنا داخوازییا كوردستانێ ب قارەمانیێ.
