جۆتیار عەلی: ڤەگەڕیاینە هەڤڕكییان و پێدڤی ب دو سەركەفتناینە بۆ بدەستڤە ئینانا ناسناڤی
قەیس وەیس
د داخویانیەكێ دا ڕاهێنەرێ تیما یانەیا زاخۆ دەستخوەشیی ل یاریزانێن تیما خوە كر پشتی شیاین د یارییا سێیێ دا هیڤیێن هەڤڕكیێ بۆ دەستڤەئینانا ناسناڤی گەشت بكەن، پشتی د یارییا خوە زنجیرەیا قووناغا فینالا ئیراقێ ژ سێ یاریێن هاتینە كرن بەرانبەر یانەیا دیفاع ئەلجەوی هەلگرا ناسناڤێ وەرزێ بۆری سەركەڤتنەكێ بینن ب ئەنجامێ 90 خالان بەرانبەر 78 خالان، ئەوا دبیتە یارییا سێیێ یا سەرجەمێ وان پێنج یاریێن فینالێ نە.
د یارییا ئێكێ دا تیما زاخۆ تووشی خوسارەتیێ بوو ب 70 خالان بەرانبەر 73ێ خالان، د یارییا دویێ دا ئەوا ل یاریگەها زاخۆ هاتیە كرن تووشی خوسارەتییا دویێ بوو ب 76 خالان بەرانبەر 86 خالان، ژ سەرجەمێ پێنج یاریێن فینالێ ئەنجام دو سەركەفتن بۆ دیفاع ئەلجەوی و سەركەفتنەك بۆ زاخۆ، د هەردو یاریێن مایی دا دڤێت زاخۆ ب سەركەفیت هەتا ناسناڤی ب دەستڤە بینیت، لێ یانەیا دیفاع ئەلجەوی پێدڤی ئێك سەركەفتنی ژبۆ پاراستنا ناسناڤێ خوە یێ وەرزێ بوری، بڕیارە یارییا چارێ ل هۆلا گرتییا بنگەهێ لاوان ل باژێرێ زاخۆ ل ئەینییا بهێت دەمژمێر حەفتی شەڤ بهێتە كرن.
لدۆر ڤێ یەكێ چۆتیار عەلی ڕاهێنەرێ تیما زاخۆ بۆ ئەڤرۆ گۆت: پێخوەشحالین د یارییا سێیێ دا ئەم هیڤیێن خوە ژبۆ هەڤڕكییا ناسناڤی ڤەگەرینن، پێنەڤێت مە هەموو یاریزان ئاگەهداركرن كو هێشتا مە هیڤیێن ماین و دڤێت د یارییا سێیێ دا شەڕی بۆ دەستڤە ئینانا خالان بكەین، دەستخوەشییا یاریزانان دكەین ل دووڤ پلانێن مە ب مۆرالەكا بلند هاتنە دناڤ یاریگەهێ دا و هەڤڕكێن ب هێز بوون و شیان سەركەڤتنێ بینن، ئەڤچەندە ژی وەكر ڤەگەڕیاینە هەڤڕكییان و پێدڤی ب دو سەركەفتناینە بۆ دەستڤە ئینانا ناسناڤی، لەوما ژی بۆ یارییا چارێ و پێنجێ مە چو ڕێك نینن ژبلی سەركەفتنێ و ئەڤە ژی نە مەحالە بەلكو ب ڕژدی و مۆرالەكا بلند گەشبینن ب گەهینێ.
